“სირცხვილიას” ორგანიზატორმა, სამოქალაქო აქტივისტმა გიგა მაქარაშვილმა და “ევროპული საქართველოს” ერთ-ერთმა ლიდერმა ელენე ხოშტარიამ ზუგდიდში საინფორმაციო აქცია გამართეს. ორგანიზატორებმა მეორე საჯარო სკოლის მიმდებარედ გააკრეს სტიკერები, რითაც მოქალაქეებს 20 სექტემბრის აქციაში მონაწილეობისკენ მოუწოდებენ.

შინაგან საქმეთა მინისტრის გადადგომის მოთხოვნით საპროტესტო გამოსვლები არ წყდება.რუსთაველზე, პარლამენტის წინ აქციები 20 ივნისიდან დაიწყო, ხოლო 20 სექტემბერს ორგანიზატორები მასშტაბურ აქციას აანონსებენ. ” „20 სექტემბერი იქნება 3 თვე გავრილოვის ღამიდან, სამი თვეა „სირცხვილია“ – განაცხადა გიგა მაქარაშვილმა, მისი თქმით, 1-2 სექტემბრიდან მასშტაბური აქციის ფორმატზე გადავლენ, ხოლო 20 სექტემბერს „ქუდზე კაცს დაუძახებენ“.