ანაკლია-განმუხურში ადგილობრივები დამსვენებლების ნაკლებობას უჩივიან.  დაგეგმილი მუსიკალური ფესტივალის ეკოვეისის დაწყებიდან ერთი დღით ადრე აქ სტუმრების სიმრავლე არ შეიმჩნევა.ადგილობრივები ამბობენ, რომ დამსვენებლის რაოდენობამ წინა წლებთან შედარებით იკლო, თუმცა მიზეზები არ იციან. ამბობენ, რომ ხვალ მუსიკალური ფესტივალი იწყება და შესაძლოა სტუმრების მოსვლაც ამ პერიოდს დაემთხვეს. ანაკლიაში ეკო-ვეისისთვის მოსამზადებელი ბოლო სამუშაოები მიმდინარეობს. ორგანიზატორების თქმით, სტუმრების ნაწილიც ჩამოსულია და ადგილებიც დაჯავშნილია.ფესტივალი ხვალ გაიხსნება და 24 აგვისტოს დაიხურება.EchoWaves-ი ​პროექტ Check in Georgia-ს ფარგლებში ეწყობა. ფესტივალის ჩასატარებლად წელს 2 მილიონ 559 600 ლარი გამოიყო.