ბიუჯეტიდან მოპარული 100 მილიონი ლარი – „Presa.ge”-ს ინფორმაციით, ბიძინა გეგიძე სწორედ ამ საქმეზე მიმდინარე გამოძიების ფარგლებში დაიკითხება.
უფრო ზუსტად კი, გიორგი კაპანაძის ინფორმაციით, გეგიძის დაკითხვაზე გამოძახება ფიქტიური დღგ-ს საშუალებით ბიუჯეტიდან გატანილ ას მილიონზე მეტი ლარის კორუფციულ სქემას ეხება.
სუს-მა ამ საკითხზე გამოძიება დაიწყო მას შემდეგ, რაც „კურიერმა“ და “Presa.ge”-მ ფაქტი გაასაჯაროვა.
თუმცა, მედიის ინფორმაციით, სქემის მთავარი მონაწილეები პრემიერი ბახტაძე , ყოფილი მთავარი პროკურორი ფარცხალაძე, მის ნათესავი, ლაშა ქორიძე და ივანიშვილის დეიდაშვილი უჩა მამაცაშვილია.
გომელაურის უწყება კი არც ერთი მათგანით არ დაინტერესებულა, რის გამოც გამომძიებელი ჟურნალისტები ვარაუდობენ, რომ გეგიძის დაკითხვაზე დაბარება ყოფილ პრემიერ კვირიკაშვილთან მის მეგობრობას უკავშირდება.
„გეგიძე დაკითხვაზე დაიბარეს იმიტომ , რომ ის არი კვირიკაშვილის კლანის წარმომადგენელი მისი მეგობარია და ვინაიდან კვირიკაშვილს აქვს პოლიტიკური გეგმები ხაზარაძესთან დაკავშირებით, ამიტომ გეგიძე შეავიწროვეს და დაიბარეს დაკითხვაზე. იბარებენ ანტიკორუფციულ სააგენტოში, ჩვენი ინფორმაციით, ფიქტიურ დღგ-ებთან დაკავშირებით, ბიუჯეტიდან მოტეხილი 100 მილიონი ლარის ფარგლებში,“-ამბობს კაპანაძე.