გურჯი ხათუნი, შვილიშვილი თამარ დედოფლისა

0
851

თურქეთში, ერზრუმის პროვინციაში სავარაუდოდ თამარ მეფის შვილიშვილის, გურჯი ხათუნის საფლავი აღმოაჩინეს. ინფორმაციას, ამის შესახებ თურქულ მედიაზე დაყრდნობით, თურქეთში საქართველოს ელჩი, გიორგი ჯანჯღავა ავრცელებს.

ელჩის ინფორმაციით, პასინლერის რაიონში ჩატარებული არქეოლოგიური გათხრების შედეგად, აღმოჩენილ იქნა სულთან ალაედინ ქეიყუბად II-სა და მისი დედის გურჯი ხათუნად წოდებული სარკოფაგები.

გურჯი ხათუნი , (თამარი) რუსუდან მეფის შვილი იყო და სულთან ქეი-ხოროვ II-ზე იყო დაქორწინებული.

13 წლის იყო, როცა სელჯუკთა სულთანს, ყაისედინ (ყიას ედ-დინ) ქეი ხუსვე მეორეს მიათხოვეს. ახალგაზრდა მბრძანებელს თავდავიწყებით შეუყვარდა ლამაზი და სათნო მეუღლე, რომელსაც სიყვარულით “გურჯი-ხათუნი” შეარქვა.

დანარჩენ ორ ცოლთან შედარებით სულთანი თამარს აშკარა უპირატესობას ანიჭებდა. ეჭვით შეპყრობილმა პირველმა ცოლმა “გურჯი-ხათუნის” მოწამვლა გადაწყვიტა. თამარი კი გადარჩა, მაგრამ სულთანმა ეჭვიანი ცოლი არ დაინდო და სიკვდილით დასაჯა.

თავისი სიყვარულის უკვდავსაყოფად შეყვარებულმა ყაისედინმა 1236 წელს გამოცემულ ახალ სახელმწიფო მონეტაზე ფაფარაყრილ ლომთან ერთად სხივოსანი მზე ამოატვიფრინა, რომლის დისკოში თამარის სახე იკვეთებოდა. ასე შეიქმნა აღმოსავლეთში ცნობილი ემბლემა “მზე და ლომი” (“შირ-უ-ხურში”)

წინა სტატიაინფრასტრუქტურის სამინისტრო „ანაკლიის განვითარების კონსორციუმიდან“ ამერიკული ჯგუფი „კონტის“ გასვლაზე განცხადებას ავრცელებს
შემდეგი სტატია“იქმნება ყალბი გვერდები და ვრცელდება დეზინფორმაცია, ვითომ ჩემს მიერ”- მამუკა ხაზარაძე
ტელეკომპანია ოდიშის საინფორმაციო სამსახური