ბრაიზა: თქვენი მეგობრები შეშფოთებულები არიან დემოკრატიული, ეკონომიკური რეფორმების უკუსვლით

0
94

,, ჩემი აზრით, საქართველო უკვე უნდა იყოს ნატოს წევრი. ეს ქართველების უმეტესობის შეხედულებაა და თუ გსურს რომ პოლიტიკად გადარჩე, დემოკრატიაში, უნდა მოუსმინო ხალხს და შეინარჩუნო ევრო-ატლანტიკური კურსი. – აცხადებს მეთიუ ბრაიზა, რომელიც 2008 წლამდე აშშ-ის სახელმწიფო მდივნის მეორე მოადგილე და ვაშინგტონის წამყვანი დიპლომატი იყო კავკასიის საკითხებში.

პირველ რიგში, ყველაზე მნიშვნელოვანია, რომ მოუსმინონ ქართველ ხალხს და მათ მტკიცე განწყობას, რომ სურთ ევროატლანტიკურ სტრუქტურებთან ახლო ინტეგრაცია, იქნება ეს ევროკავშირი თუ ნატო.

ეს ერთი და მეორე ის, რომ დემოკრატიას რაც შეეხება, საქართველოში ამ კუთხით ჩემი მეგობრები, თქვენი მეგობრები, დამკვირვებლები, ძალზედ შეშფოთებულნი არიან, რომ ბევრი დემოკრატიული თუ საბაზრო ეკონომიკური რეფორმა უკუსვლას განიცდის. საქართველომ მისი ძალის და ტრანს-ატლანტიკური თანამეგობრობისთვის მისი ღირებულების შესანარჩუნებლად, ეს რეფორმები უნდა გააძლიეროს, რომლებზეც უკვე წლებია ვსაუბრობთ, იქნება ეს ენერგო სექტორი, ფინანსები, განათლება, ბიზნეს კლიმატი თუ კონტრაქტის ხელშეუხებლობის სიწმინდე.

საქართველოს ეროვნული უსაფრთხოება პირდაპირ კავშირშია თბილისის მიერ ამ რეფორმების წარმატებით გაგრძელებასა და საბაზრო ეკონომიკად გადაქცევასთან.

10 აგვისტოს ამერიკის ხმასთან ინტერვიუში მეთიუ ბრაიზამ უპასუხა კითხვაზე თუ რას ეტყვის, რა უნდა გააკეთოს საქართველოს ამჟამინდელმა მთავრობამ, რათა მისი მოსახლეობის უსაფრთხოების უზრუნველყოფა და დემოკრატიული განვითარების გზა შეინარჩუნოს.


13 აგვისტო, 2019

კომენტარის დატოვება

Please enter your comment!
Please enter your name here