შეერთებულ შტატებში გუშინ მომხდარი თავდასხმების გამოძიება გრძელდება. პოლიციის ინფორმაციით მამაკაცი, რომელმაც ოჰაიოში 9 ადამიანი მოკლა, 24 წლის კონორ ბეტსია. დაღუპულებს შორის არის მისი დაც.
სამართალდამცველებმა სათვალთვალო კამერების ჩანაწერებიც გაასაჯაროვეს, სადაც ჩანს, რომ პოლიციამ თავდამსხმელი იმ დროს მოკლა, როდესაც ის იმ შენობაში შედიოდა, სადაც გაქცეულმა ადამიანებმა თავი შეაფარეს. ამ დრომდე უცნობია თავდასხმის მოტივი.
რაც შეეხება ტეხასში მომხდარ თავდასხმას , მას ფედერალური საგამოძიებო ბიურო შიდა ტერორიზმის მუხლით იძიებს. პატრიკ კრუს-იუსს, რომლიც პოლიციამ ადგილზე დააკავა, სიკვდილით დასჯა ემუქრება.
დონალდ ტრამპის ბრძანებით, დღეს ყველა სამთავრობო შენობაზე გლოვის ნიშნად დროშებს დაუშვებენ. ტეხასსა და ოჰაიოში მომხდარ თავდასხმებს სულ 29 ადამიანი ემსხვერპლა.