“სიტყვები ყელში მებჯინება და მახრჩობს, წყეულიმც იყავთ თქვენ !! “-აფხაზეთიდან დევნილი გოგონას ემოციური პოსტი საზღვრის ჩაკეტვაზე

0
3299

დე-ფაქტო აფხაზეთის გადაწყვეტილებით ენგურის ხიდი გუშინ საღამოს ჩაიკეტა.გადაწყვეტილება აფხაზური მხარის განმარტებით, საქართველოში შექმნილი ვითარებიდან გამომდინარე მიიღეს. დღეიდან ენგურს ვერ გადმოკვეთენ ის ადამიანები, ვინც აფხაზეთში არიან ამ დროისთვის, არა აქვს მნიშვნელობა, დროებით არიან ჩასულები თუ იქ ცხოვრობენ. სოციალურ ქსელში ერთ_ერთმა ახალგაზრდამ ემოციური პოსტი მიუძღვნა ხიდის ჩაკეტვას და აღწერს, თუ რა მძიმეა ის ერთადერთი გზის ჩაკეტვა, რომელიც ოჯახთან მისასვლელი იმედია.

მთელი წელი , თვეები რომ ელოდები შენს სახლში წასვლას.. მერე როგორც ხდება ხოლმე , ხან საბუთებს გვართმევენ ხან აუქმებენ,ხაანაც როგორც უნდა ისე ცვლიან საბუთებს რომელსაც აღარ გაძლევენ და რჩები მილოდინით …
მთელი წელი რომ გეგმავ შენს ტკბილ სახლში წასვლას, ოცნებობ შენს თბილ კერაში შენს ოჯახთან ტკბილად ყოფნაზე, მაგრამ სამსახურის გამო ვერ ახერხებდი ჩასვლას და მოულოდნელად კი იმ ერთადერთ გზასაც გისპობენ შინ დასაბრუნებელს რომელსაც ებღაუჭებოდი.. რამდენჯერ წარმოვიდგინე ყველა ეტაპი ჩასვლიდან ჩამოსვლამდე.. წარმოვიდგენდი ბებია როგორ მელოდებოდა ჭიშკართან, დედ-მამას როგორ გავახარებდი , მეზობლებს ნათესავებს, მეგობრებსს ..ძაღლი და კატაც კი წარმოვიდგინე როგორ მიცნეს სუნით და როგორ აკუნტრუშდნენ…
და ახლა ვიგებ რომ საზღვარი იკეტება და ჩემს სახლში ” სტუმრად” ჩასვლაც კი მეკრძალება .
ძალიან ბევრ რაღაცაზე მიჩნდება პროტესტი და ხმას არ ვიღებ, ახლაც გადავყლაპავ ამ ბოღმას და დარდს, ცრემლებსაც მივაყოლებ.. არც მაშინ ამომიღია ხმა როცა საზღვრის გადაკვეთის გამო გვიჭერდნენ და ჯურღმულში გვკეტავდნენ განურჩევლად ქალისა კაცისა თუ ბავშვებისა !! იმიტომ რომ ჩემი ოჯახი ცხელ წერტილში ცხოვრობს და მე არ მაქვს პროტესტის უფლება მათივე კეთილდღეობისთვის..სიტყვები ყელში მებჯინება და მახრჩობს ჩემივე ვერ თქმული სიტყვები. წყეულიმც იყავთ თქვენ !! #რუსეთიოკუპანტია#რუსეთიკლავს“- წერს ნინია ფეისბუკზე .

წინა სტატიააქცია პარლამენტთან 19:00 საათზე განახლდება
შემდეგი სტატია“ქოცებო ცოტა კიდე მომაწექით და აუცილებლად გადავდგები” – სააკაშვილი ბახტაძის განცხადებაზე
ტელეკომპანია ოდიშის საინფორმაციო სამსახური