თბილისში, პეკინის გამზირზე “iPhone +”-ის მაღაზიაზე შეიარაღებული თავდასხმა მოხდა. ახალგაზრდა მამაკაცი, რომელიც მაღაზიაში შეიჭრა, ცივი იარაღით იყო შეიარაღებული. ის სამართალდამცველებმა უკვე დააკავეს, თუმცა შენობიდან ჯერ არ გამოუყვანიათ. დაკავებული ჯერ კიდევ შენობაში იმყოფება.
სამინისტროში აცხადებენ, მამაკაცი მაღაზიაში ყაჩაღობის მიზნით შეიჭრა და საპატრულო პოლიციის თანამშრომლებმა ადგილზე დააკავეს . უწყება უარყოფს გავრცელებულ ინფორმაციას, რომ თავდამსხმელმა მძევლად მაღაზიის ერთერთი თანამშრომელი აიყვანა – მსგავს ფაქტს ადგილი არ ჰქონია.
უწყების ცნობით, გამოძიება 179-ე, ყაჩაღობის მუხლით მიმდინარეობს.