ჭკადუაშის მოსახლეობამ ჯვარი-ზუგდიდი-მესტიის ცენტრალური გზა გადაკეტა [Video]

0
594

სოფელ ჭკადუაშის მოსახლეობამ ზუგდიდი-ჯვარი-მესტიის ცენტრალური მაგისტრალი გადაკეტა. ადგილობრივები სოფელში გზის რეაბილიტაციას ითხოვენ. აქციის მონაწილეები ამბობენ, რომ ხელისუფლებამ სხვა გამოსავალი არ დაუტოვა, გარდა პროტესტის ამ ფორმისა, რადგან როგორც ისინი ამბობენ, არაერთხელ მიმართეს ადგილობრივ ხელისუფლებას პრობლემის მოგვარების თხოვნით, თუმცა პრობლემა დღემდე მოუგვარებელია. ადგილზე მობილიზებული არიან სამართალდამცავები, რომლებმაც აქციის მონაწილეებს გზის გადაკეტვის საშუალება არ მისცეს და სავალი ნაწილიდან გადაიყვანეს.

აქციის მონაწილეებს სამეგრელო-ზემო სვანეთის გუბერნატორის მოადგილე კობა ქანთარია შეხვდა. ქანთარიას თქმით, ბეტონის საფარის დაგება წვიმიანი ამინდების გამო ვერ გაგრძელდა 500 მეტრის მონაკვეთზე, რაც ორშაბათიდან გაგრძელდება. გუბერნატორის მოადგილე აქციას მიზანმიმართულ პროვოკაციას უწოდებს.

წინა სტატიასაცხენოსნო კლუბ ,,ხარებას,, მორიგი წარმატება
შემდეგი სტატია“ხელისუფლება ცდილობს დაშინებით და მოსყიდვით შეცვალოს საარჩევნო პროცესი”- ანა წითლიძე
ტელეკომპანია ოდიშის საინფორმაციო სამსახური