საქართველოს შეიარაღებული ძალების გენერალური შტაბის ყოფილი უფროსი დევი ჭანკოტაძე ვლადიმერ ჩაჩიბაიას ურჩევს საქართველოს უახლესი ისტორია კარგად შეისწავლოს. საუბარია საქართველოს თავდაცვის ძალების მეთაურის სკანდალურ განცხადებაზე, სადაც ვლადიმერ ჩაჩიბაიამ აფხაზეთსა და სამაჩაბლოში რუსულ აგრესიას, “სამოქალაქო ომი” უწოდა. დევი ჭნკოტაზე განმარტებებს თავდაცვის მინისტრისგანაც ითხოვს. „რუსებმა აფხაზეთში ჩვენს წინააღმდეგ გამოიყენეს სამხედრო ავიაცია – “სუ 25” და “სუ 27”-ის ტიპის თვითმფრინავები, რომელიც ჩვენ გვბომბავდნენ იქ. გამოიყენეს სამხედრო საზღვაო ფლოტი, რომელიც გვესროდა იქ, და ამას ნომერ პირველი სამხედრო ეძახის სამოქალაქო ომს. ვინც მონაწილეობდა იმ ომში, ვინც მონაწილეობდა 2008 წლის ომში, ვინც მონაწილეობდა 2004 წლის ცხინვალის ომში, ყველა ფიქრობს და ყველა ამაყობს იმით, რომ დაეჯახა რუსეთს და ებრძოლა, გააკეთა რაც შეეძლო. რუსეთის წინააღმდეგ იბრძოდნენ და საქართველოს იცავდნენ ეს ბიჭები . ძალიან სამწუხაროა ჩემთვის ეს გამონათქვამი. მე ვურჩევ მას რომ უახლესი ისტორია საქართველოსი ისწავლოს ძალიან კარგად და სანამ ასეთ განცხადებას გააკეთებს, კარგად დაფიქრდეს და ისე გააკეთოს განცხადება. კარგი იქნება, რომ თავდაცვის მინისტრიც გამოვიდეს და თავისი კომენტარი გააკეთოს ამ ე.წ. სამოქალაქო ომთან დაკავშირებით,“-განაცხადა დევი ჭანკოტაძემ
დევი ჭანკოტაძე : ყველა, ვინც იბრძოდა 2008 წლის ომში, აფხაზეთსა და ცხინვალში, ამაყობს იმით, რომ დაეჯახა რუსეთს და გააკეთა ყვეფერი, რაც შეეძლო
Published on