,ქართული ოცნების'' დეპუტატი მამუკა მდინარაძე გამოეხმაურა აშშ-ის კონგრესში დარეგისტრირებულ კანონპროექტს, რომლის მიხედვითაც საქართველოს, შესაძლოა, სანქციები დაეკისროს.
მდინარაძე აშშ-ის სახელმწიფო დეპარტამენტის ანგარიშთან ავლებს პარალელს და ამბობს, რომ ამ შემთხვევაშიც ოპოზიციურმა პარტიებმა და არასამთავრობო ორგანიზაციებმა აშშ-ს არასწორი ინფორმაცია მიაწოდეს.
"საქართველოში ბიზნესი ნამდვილად თავისუფალია და როდესაც ჩვენი უცხოელი პარტნიორები, მაგალითად სახელმწიფო დეპარტამენტის ანგარიშს გავიხსენებ, აღმოჩნდნენ უხერხულ მდგომარეობაში, ეს უხერხულობა გამოიწვია ჩვენი კოლეგების და რამდენიმე არასამთავრობო ორგანიზაციის არასწორმა ინფორმაციამ და ამ შემთხვევაში სახელმწიფო დეპარტამენტის ანგარიშშიც კი ჩასწორება მოხდა.
ეს უხერხულობა, მე მგონია, რომ უნდა აიცილონ ჩვენმა კოლეგებმა საქართველოში. რამდენად უნდა მტრობდე შენს ქვეყანას, რომ არასწორი ინფორმაციები შენს ქვეყანაში მიმდინარე მოვლენების შესახებ მიაწოდო უცხოელ და მთავარ სტრატეგიულ პარტნიორებს. ეს არის ცუდი და მეორე, მე ნამდვილად არ ველოდები და არ არის ისეთი მდგომარეობა, რომ ჩვენმა მთავარმა სტრატეგიულმა პარტნიორებმა რაიმე სანქციების დაწესებაზე დაიწყონ საუბარი,"- ამბობს მდინარაძე რუსთავი 2-თან საუბარში.
.jpg)
ამრიგად, აშშ – დან საგანგაშო სიგნალები მოდის, მაგრამ ხელისუფლება იხტიბარს არ იტეხს, თუმცა ქვეყანაში და ქვეყნის გარეთ შექმნილი აზრი ოლიგარქის მმართველობაზე კარგს არაფერს უქადის მას. ღითიდღე აშკარა ხდება, რომ როგორც გაყინული ქათამი ვეღარ აფრინდება, ისე ვერ დალაგდება ხელისუფლების ურთიერთობა საკუთარ ხალხთან და ქვეყნის (და არა მის ) სტრატეგიულ პარტნიორებთან