ზუგდიდში ახალგაზრდა მამაკაცი დაჭრეს. შემთხვევა რამდენიმე წუთის წინ მოხდა. არსებული ინფორმაციით შემთხვევას წინ ურთიერთშელაპარაკება უძღოდა. როგორც ზუგდიდის რეფერალური საავადმყოფოს კლინიკური დირექტორი სულხან ორჟონია აცხადებს, სასწრაფო სამედიცინო დახმარების სამსახურის მიერ კლინიკაში შეყვანილ იქნა ახალგაზრდა მამაკაცი, რომელსაც მუცლის არეში აქვს ერთი ჭრილობა ცეცხლსასროლი იარაღით მიყენებული და ის სასიცოცხლო ნიშნებით შეყვანილია საოპერაციოდ.