პარტიის – „კანონი და სამართალი“ თავმჯდომარე, თაკო ჩარკვიანი და გენერალური მდივანი ირაკლი ღლონტი საქართველოში აშშ-ის საელჩოს წარმომადგენლებს შეხვდნენ.

 

 შეხვედრის ინიციატორი დიპლომატიური წარმომადგენლობა იყო.

 

თაკო ჩარკვიანის თქმით, შეხვედრაზე ქვეყნის წინაშე არსებულ საშინაო და საგარეო გამოწვევებს, მათი დაძლევის გზებს და ასევე, პარტიის სტრატეგიულ გეგმებზე ისაუბრეს.

 

ამასთან, ამერიკელ დიპლომატებს პარტიის წარმომადგენლებმა პარტიის შექმნის მიზნები და სტრატეგიული გეგმები გააცნეს.

 

 

შეგახსენებთ: პარტიის – „კანონი და სამართალი“ დამფუძნებელი ყრილობა 10 მარტს გაიმართა. პარტიის თავმჯდომარე თაკო ჩარკვიანია, გენერალური მდივანი – ირაკლი ღლონტი, აღმასრულებელი მდივანი – მიხეილ რამიშვილი, პოლიტიკური მდივანი კი – გიორგი ცობეხია.

 

პარტია მემარჯვენე-ცენტრისტულია და ის თანამშრომლობას გაერთიანებულ ოპოზიციასთან გეგმავს.