„ირაკლი კვარაცხელია განმარტებითი ბარათის დასაწერად ოთახში დატოვეს, თუმცა რამდენიმე ხანში ჩამომხრჩვალი იპოვეს“ – აცახდებს ოკუპირებული აფხაზეთის დე-ფაქტო საგარეო საქმეთა მინისტრი დაურ კოვე
იგი JAMnews-თან საუბარში ამბობს, რომ გალში გარდაცვლილი ირაკლი კვარაცხელია რუსი მესაზღვრეების მიერ იყო დაკავებული.
„კვარაცხელია რუსმა მესაზღვრეებმა დააკავეს საზღვრის უკანონო გადაკვეთისთვის. ეს მოხდა 12 მარტს, 16 საათზე და 55 წუთზე. კვარაცხელია სოფელ ნაბაკევში გადაიყვანეს. ის დატოვეს ოთახში, რათა მას განმარტებითი ბარათი დაეწერა. თუმცა, რამდენიმე ხანში იგი ამ ოთახში ჩამომხრჩვალი იპოვეს. ეს ყველაფერი ერთი საათის განმავლობაში მოხდა” – აცხადებს დაურ კოვე