“ბატონო გახარია, არავის ეშინია თქვენი,” – გაერთიანებული ოპოზიცია ზვიად კუპრავას დაკავებას ეხმაურება

0
479
ოპოზიციის წევრები კუპრავას დაკავებას პოლიტიკურ ანგარიშსწორებას უწოდებენ და ხელისუფლებას ორმაგ სტანდარტებში ადანაშაულებენ.
 
მურთაზ ზოდელავამ საგანგებოდ გამართულ ბრიფინგზე განაცხადა, რომ კუპრავას დაკავებას ელოდნენ, რადგან ხელისუფლება ოპოზიციის ლიდერების განეიტრალებით არის დაკავებული.
 
„ის არის ოპოზიციის ერთ-ერთი აქტიური ლიდერი, ვიცოდით, რტომ მას დასჯიდნენ, რადგან აქტიური იყო. გახარიას უწყება ივანიშვილისგან ეს დავალება მიიღეს, მათ ყველაფერი მოიმოქმედეს, რომ გაენეიტრალებინათ და მოეთავსებინათ ციხეში,“ – განაცხადა მურთაზ ზოდელავამ.
 
ოპოზიციის წევრის თქმით, შინაგან საქმეთა სამინისტროს ოპოზიციის აქტივისტების მიმართებით აქვს შემუშავებული ე.წ. ორი ბრალის მექანიზმი, რა დროსაც პირველი ბრალის დროს გირაოს შეფარდება ხდება, მეორე ბრალის შემთხვევაში კი გირაოს პატიმრობით ჩანაცვლება. მურთაზ ზოდელავ გიორგი გახარიას მიმმართ, რომ არავის ეშინია მისი.
 
„ჩვენ დანებებას არ ვაპირებთ, ბატონო გახარია, არავის ეშინია თქვენი. შიში თქვენ გეტყობათ,“- განაცხადა ზოდელავამ.
 
თინა ბოკუჩავას თქმით, ინფორმაციას მიაწვდიან სახალხო დამცველს, არასამთავრობო ორგანიზაციებსა და დიპლომატიურ კორპუსს.
წინა სტატიათბილისში ხანძარს 52 წლის ირანელი ქალბატონი ემსხვერპლა
შემდეგი სტატიალერი ხაბელოვის თქმით, ხელს არ მოაწერს დათუნაშვილის სხვა ქვეყნის სახელით ასპარეზობას
ტელეკომპანია ოდიშის საინფორმაციო სამსახური