სოფელ ჯიხაშკარში ადგილობრივი  მოსახლეობა გზის რეაბილიტაციას ითხოვს.საუბარია ობუჯი-ჯიხაშკარი-წალენჯიხის დამაკავშირებელ 10 კმ-იან მონაკვეთზე, რომელიც ორ მუნიციპალიტეტს აკავშირებს. ადგილობრივი მოსახლეობა ხელისუფლებას უყურადღებობასა და გულგრილობაში ადანაშაულებს.“ აქ ცხოვრობენ მოხუცები, ბავშვები, ახალგაზრდები, სასწრაფო ვერ შემოდის, წვიმიან ამინდში ყელამდე ტალახში ვიფლობით, მანქანა ვერ გადის, ფეხით ვერ გახვალ, ჩვენ რა, ხალხი არ ვართ?“- უთხრა „ოდიშინიუსს“ გიორგი შენგელიამ. ადგილობრივები ამბობენ, რომ რამდენჯერმე მიმართეს ადგილობრივ ხელისუფელბას, თუმცა უშედეგოდ. ჯიხაშკარის მოსახლეობამ გზის შეკეთების მოთხოვნით აქცია გასული წლის სექტემბერშიც გამართა. მაშინ ზუგდიდის მუნიციპალიტეტის საკრებულოს თავმჯდომარემ განმარტა, რომ  საავტომობილო გზების დეპარტამენტს გზის პროექტირება დასრულებული ქონდა და  უახლოეს დღეებში კი ტენდერიც გამოცხადდებოდა. „უახლოეს ხანებში ჩატარდება ტენდერი, გამოვლინდება გამარჯვებული და სავარაუდოდ, ამ წლის ბოლოსთვის დაიწყება გზის სამშენებლო სამუშაოები“, – აცხადებდა მაშინ მამუკა წოწერია. თუმცა ადგილობრივების თქმით, ხელისუფლება იტყუება და ამ დრომდე მათი პრობლემით არავინ დაინტერესებულა.