,,ქართული ოცნების“ ცენტრალურ ოფისში დღეს, 23 თებერვალს საპარლამენტო უმრავლესობის შეხვედრა გაიმართება. სხდომა 11:00 საათზეა ჩანიშნული, მას პარტიის თავმჯდომარე ბიძინა ივანიშვილი დაესწრება.
გავრცელებული ინფორმაციის თანახმად, სწორედ არ სხდომაზე გადაწყდება პარტიიდან რამდენიმე წევრის გარიცხვის საკითხი.
ეს უკვე მეორე ასეთი შეხვედრაა "ქართული ოცნების" ფრაქციიდან დეპუტატთა ჯგუფის წასვლის შემდეგ, იმ განსხვავებით, რომ ბიძინა ივანიშვილი ამჯერად სხვა ჯგუფს შეხვდება.
გუშინდელი შეხვედრის მონაწილემ დეპუტატმა ნუკრი ქანთარიამ შეხვედრაზე , პარტიიდან ვინმეს გარიცხვის საკითხი არ განხილულა და ძირითადადა სიახლეებსა და ინიციატივებზეც ისაუბრეს.
ნუკრი ქანთარიას თქმით, შეხვედრის დასაწყისში მან ახსნა, თუ რატომ დაუჭირა ეკა ბესელიას მიერ ინიცირებულ კანონპროექტს მხარი.
„როგორც ქუხს, ისე არ წვიმს, მოგეხსენებათ და ასეა ამჟამადაც. იყო შეხვედრა პარტიის თავმჯდომარესთან გარკვეული ჯგუფის ჩვენი და იყო ძალიან საქმიანი, გულწრფელი და ძალიან ბევრ პრობლემაზე მოხდა პირუთვნელი საუბარი. არავინ არავის არ გაურიცხავს და ეს საკითხი არ იყო განხილვის თემა. იყო სხვა ძალიან მწვავე პრობლემები, რომელიც არის და ჩვენ ამაზე ინფორმაციაც გავიგეთ, გვქონდა საუბარი და საერთოდ პარტიის თავმჯდომარე აპირებს, რომ ასე უმრავლესობის სხვა ჯგუფებსაც შეხვდეს,“ – განაცხადა ქანთარიამ