ზუგდიდში მოძრავ მუნიციპალურ ტრანსპორტში გადახდის აპარატების დამონტაჟებაზე საკრებულოს სამუშაო ჯგუფმა რეკომენდაცია შპს "ზუგდიდის მუნიციპალური ტრანსპორტის" სამსახურზე გასცა. ბიუროს სხდომაზე სამუშაო ჯგუფის წევრებმა შ.პ.ს. "ზუგდიდის მუნიციპალური ტრანსპორტის" ხელმძღვანელისგან ცენტრის ფუნქციური რეორგანიზაციისა და ოპტიმიზაციის ხედვები მოისმინეს. „ძალიან კარგია აპარატების დადგმა, რადგან მძღოლს არ ექნება ფულთან კავშირი და კორუფციის რისკებიც შეიზღუდება“- განაცხადა ბადრი ნემსაძემ. ბიუროს სხდომაზე ასევე ისაუბრეს მგზავრობის ტარიფებზე. ცნობილია, რომ მერია ახალ მუნიციპალურ ავტობუსებს შეისყიდის. კითხვაზე, გაძვირდება თუ არა მგზავრობის გადასახადი, საკრებულოს თავმჯდომარის განცხადებით, „ტარიფის გაზრდა არ იგეგმება, თუმცა მომატების შემთხვევაში, ეს არ იქნება ისეთი დიდი თანხა, რომ მოსახლეობას მძიმედ დააწვეს“- განაცხადა მამუკა წოწერიამ.