რუსულმა GQ-მ რუსეთის 50 ყველაზე მოდური მამაკაცი დაასახელა. მათ შორის არიან რუსი ტელეწამყვანები, სპორტსმენები, მომღერლები, მსახიობები, მედიამენეჯერები და სხვა სფეროების წარმომადგენლები და არიან და,
რა გასაკვირიც არ უნდა იყოს, თბილისის მერი კახა კალაძე და რეპერი – ბერა ივანიშვილი.
კალაძე სიაში მეექვსეა. GQ აღნიშნავს, რომ თბილისის მერი წლების წინ საფებურთო კლუბ „მილანში“ და საქართველოს ნაკრებში თამაშობდა, შემდეგ კი „პოლიტიკურ ლიგაში“ გადავიდა. „თუმცა „ხულიგნური“ სამოსი კოსტიუმების სამეულებზე არ გაუცვლია. სამოსის გამო ის არანაკლები ყურადღების ცენტრში ხვდება, ვიდრე – მაღალჩინოსნის სავარძლის გამო. „ინსტაგრამზე“ მის ვარდისფერ ქუდს რამდენიმე დღის განმავლობაში განიხილავდნენ,“ – წერს GQ.
საქართველოს ყოფილი პრემიერ-მინისტრის, ბიძინა ივანიშვილის შვილი რეიტინგში მეცხრე ადგილზეა. ბერა ივანიშვილზე გამოცემა წერს, რომ მისი იმიჯი რამდენიმე სტილის ნაზავია – 1960-იანი წლების პარიზელი ბიჭი ტყავის ქურთუკითა და გრძელი კაშნეთი, ტრადიციული ქართველი მამაკაცი (მისი ქორწილის ფოტოების გათვალისწინებით) და მოდური რეპერი თეთრი მაისურით. შეუძლებელია თქმა, ამ სამი იმიჯიდან რომელია უკეთესი – ყველა სტილი არაჩვეულებრივია,“ – აღნიშნავს გამოცემა