ზუგდიდელი მეწარმე,ზუგდიდის ფაბლაბის სტარტაპერი მადონა ჯაბუა,გორში, სოფელ ატოცში ,საოკაპაციო ხაზთან,სადაც სამოქალაქო მოძრაობის „ძალა ერთობაშია“ წევრები იმყოფებიან,სიმბოლურ საჩუქრებს აგზავნის. ზუგდიდელმა მეწარმემ  ხის მასალისგან  დაამზადა მობილური ტელეფონის სადგამი- საქართველოს რუკით და წარწერით – „არა ოკუპაციას“!. როგორც   ჯაბუა აცხადებს, ეუხერხულება კიდევაც ასეთი დაინტერესება. „ჩემი ,ისევე როგორც საქართველოს ყველა მოქალაქის უდიდესი ტკივილია რუსეთის მიერ ჩვენი ქვეყნის 20 % ოკუპაცია და ნებისმიერი ფორმით უნდა ვცდილობდეთ გავაპროტესტოთ ეს…დღესაც ,როცა მცოცავი ანექსიის პირობებში ვიმყოფებით ,ძალიან მნიშვნელოვანია პროტესის სხვადასხვა ფორმით გამოვხატვა.ჩვენ არასოდეს შევეგუებით ჩვენი ქვეყნის ტერიტორიების დაკარგვას. ეს მობილურის სადგამი შეიქმნა როგორც საჩუქარი ატოცში მყოფი გუშაგებისთვის ,მათდამი უდიდესი პატივისცემის ნიშნად,ასევე გაიყიდება საქველმოქმედო აქციაზე“,- ამბობს მეწარმე. მისივე განცხადებით,ამ ჯერზე ატოცის საგუშაგოზე 10 ცალ ტელეფონის სადგამს გააგზავნის. მისთვის განსაკუთრებით მტკივნეულია ოკუპაციის თემა,ვინაიდან გაგრაში გაიზარდა. სოფელ ატოცში კი ანტისაოკუპაციო მოძრაობის წევრების პატრულირება გაგრძელდება მანამ,სანამ ქვეყნის დეოკუპაცია არ მოხდება.