ფოცხო-ეწერის მოსახლეობა უწყლობას უჩივის – ადგილობრივები 4 დღეა წყლის გარეშე არიან

0
411

ოთხი დღეა ფოცხო-ეწერში მოსახლეობა სასმელი წყლის გარეშეა დარჩენილი. ადგილობრივები ყვებიან, რომ წყლის შეწყვეტის შემთხვევები ხშირია და საჭირო წყალს წყაროდან ეზიდებიან. „4 დღეა უკვე, რაც წყალი არ გვაქვს და ძალიან ხშირია ეს აქ. სხვადასხვა მიზეზს ამბობენ, წყალსაცავის დონე დაბალიაო, ძველი ძრავია და შესაკეთებელიაო, სულ ფუჭდება და არ ვიცით..არავინ არ მოსულა ჯერ, არ ვიცით არაფერი, ამბობენ ისე, რომ მოვლენ და შეამოწმებენო…ძალიან შორია წყარომდე და გვიჭირს ვედროებით ზიდვა, აქ მოხუცები ცხოვრობენ და ძალიან ძნელია მათთვის“- უთხრა „ოდიშინიუსს’ ეწერის მკვიდრმა ალინა შაკერზიანოვამ. პრობლემის შესახებ ცნობილია წალენჯიხის მერიისთვის. ბესიკ ფარცვანიას თქმით, ამ ეტაპზე  ენგურის წყალსაცავში წყალი ფაქტიურად არ არის, რადგან იქ სარემონტო სამუშაოებია და წყალს არ უსვებენ..ახლა მივდივარ და გამოვნახეთ ალტერნატიული გზა, რომ მოსახლეობას აღუდგეს წყლის მიწოდება, ამას ალბათ ერთი დღე დასჭირდება და მაქსიმუმ ხვალისთვის წყალი ექნებათ“- განაცხადა ბესიკ ფარცვანიამ. ის უარყოფს ინფორმაციას იმის შესახებ, რომ ფოცხო-ეწერში ეს ხშირად ხდება. ადგილობრივები კი უწყლობის გამო უკმაყოფილებას ხშირად გამოთქვამენ.

წინა სტატიაზუგდიდელი მეწარმე ზუგდიდიდან ატოცის საგუშაგოზე საჩუქრებს აგზავნის
შემდეგი სტატიაბაჩო ახალაია, ვანო მერაბიშვილი, დეკანოზი გიორგი მამალაძე და სხვები ე.წ. მატროსოვის ციხიდან გადაყავთ
ტელეკომპანია ოდიშის საინფორმაციო სამსახური