შიდა აუდიტის სამსახურმა ჩატარებული მოკვლევის შედეგად ზუგდიდის მერიის ააიპ-ის „ხელოვნებისა და კულტურის განვითარების ცენტრში“ დარღვევები გამოავლინა. აუდიტის სამსახურმა მოკვლევა 2018 წლის 27 აგვისტოდან 06 დეკემბრამდე პერიოდში ჩაატარა. ინსპექტირების საფუძველი ცენტრის ერთ-ერთი თანამშრომლის მიერ სოციალური ქსელით გამოთქმული მოთხოვნა გახდა. ხატია ჯანაშია ხელოვნებისა და კულტურის ცენტრის საქმიანობის შესწავლას ითხოვდა. ზუგდიდის მერიაში აცხადებენ, რომ აუდიტის დასკვნის მიხედვით, ცენტრში სხვადასხვა სახის დარღვევები გამოვლინდა, როგორიცაა ქონების სარგებლობის უფლებით გაცემის დროს გამოვლენილი შეუსაბამობები. „შიდა აუდიტისა და ინსპექტირების სამსახურის მიერ მომზადებული დასკვნის საფუძველზე, გამოვლინდა სხვადასხვა დარღვევა. მათი უმრავლესობა ინსპექტირების პროცესშივე იქნა გამოსწორებული.“- აცხადებენ მერიაში.