გოჩა ბარნოვი: ,,მე არ ვაპირებ ვამტკიცო, რომ არ ვარ აქლემი – საპატრიარქოს და აკადემიას შიშის ზარს ცემს განათლებული მომავალი თაობა… მოტივი ეს არის “

0
469
„საპატრიარქოს და აკადემიას შიშის ზარს ცემს განათლებული მომავალი თაობა… აქ მთავარი ბიძინა გუნიას მოტივებია“ – წერს სასულიერო სემინარიიდან გათავისუფლებული  პროფესორი ბარნოვმა სოციალურ ქსელში  და აცხადებს, , რომ მისი სემინარიიდან გათავისუფლების რეალური მიზეზი უცხოეთში სასწავლებლად გაშვებული სტუდენტები არიან.
 
“დღეს სასულიერო აკადემიის და სემინარიის "სამეცნიერო საბჭოს" გადაწყვეტილებით ლექციები შემიჩერეს იმის საბაბით, რომ მე ჩვენი პატრიარქისა და სხვა ეკლესიების მეთაურების მტერი ვარ.
მე არ ვაპირებ ვამტკიცო, რომ არ ვარ აქლემი.
 
საქმეში ჩახედულმა ყველა ადამიანმა იცის, რომ აკადემიის ადმინისტრაციის და საპატრიარქოს გადამტერების რეალური მიზეზი ჩემს მიერ უცხოეთში სასწავლებლად გაშვებული სტუდენტებია. საპატრიარქოს და აკადემიას შიშის ზარს ცემს განათლებული მომავალი თაობა, რომელთაც კომპეტენტური საკუთარი აზრი და მისი თავისუფლად გამოხატვის უნარი აქვთ. ფიქრობენ, რომ თუ მე აკადემიიდან ფეხს ამომიკვეთენ სტუდენტების გაშვებას ვეღარ მოვახერხებ.
 
უკრაინის ეკლესიის ავტოკეფალიაზე მხარდამჭერი ჩემი სტატუსები მხოლოდ საბაბად მოაქვთ, თუმცა სინოდს ჯერ ოფიციალური გადაწყვეტილება ჯერ არ მიუღია და ბევრ მღვდელმთავარს ჩემნაირი პოზიცია აქვს. ძალიან ნიშანდობლივია ის ფაქტიც, რომ რექტორმა ჩემი დასჯის პროცედურა ფორმალურად "ამხანაგების": მღვდელ შალვა კეკელიას, მღვდელ ბიძინა გუნიას და გვანცა კოპლატაძის ტრადიციულ მონოლოგებზე დააფუძნა.
 
მღვდელი ბიძინა გუნია ასეთ საქმეებში განსაკუთრებით გამოცდილია, ერთი ამბავი მახსენდება: ვებგვეედზე orthodoxtheology.ge ფიზიკოსმა ზაზა ოსმანოვმა ბიძინა გუნიას კალენდართან დაკავშირებული ვითომდა თეოლოგიური შეხედულებების გამანადგურებელი კრიტიკა დაწერა. რაკი ბიძინა გუნიას ამ კრიტიკაზე პასუხის გაცემა არ შეეძლო, სხვაგვარად გადაწყვიტა საიტზე შური ეძია, საიტის სარედაქციო კოლეგიის წევრების სიას თვალი გადაავლო, და იქ  თეიმურაზ ბუაძე აღმოაჩინა. იმწამსვე გაიქცა საპატრიარქოს ტელევიზიაში და მის მაშინდელ დირექტორს მეუფე პეტრეს მოთხოვა მისი იქიდან გაშვება. რადგან თემურს იმჟამად გადაცემა "საღვთისმეტყველო საუბრები" მიჰყავდა. მეუფე პეტრეს, რა თქმა უნდა არავითარი რეაქცია არ ქონია, მაგრამ აქ მთავარი ბიძინა გუნიას მოტივებია. ანალოგიური მეთოდებით ცდილობს ამხანაგი გუნია დაამტკიცოს რომ მე მთელ ქრისტიანულ სამყაროს ვემტერები”, – წერს გოჩა ბარნოვი.
 
დღეს პროფესორი გოჩა ბარნოვი სასულიერო სემინარიიდან დაითხოვეს. 
წინა სტატიაევროპული საქართველოს წევრი ირაკლი აბესაძე ია კერზაიას საქმეში მონაწილე ყველა პირის – ორგანიზატორების, შემსრულებლების დასჯას მოითხოვს
შემდეგი სტატიამღვდელ-მონაზონი ანდრია სარია: ,,წლებია სასულიერო აკადემიის ადმინისტრაციასა და პროტოპრესვიტერ გიორგი ზვიადაძეს ამხელენ სტუდენტები უსამართლობაში!”
ტელეკომპანია ოდიშის საინფორმაციო სამსახური