ჩარლს ტანოკი : ჩვენ, ევროპარლამენტში, გვინდა დავინახოთ უფრო გამჭირვალე, ღია და დემოკრატიული საქართველო

0
381
საქართველოს მესამე პრეზიდენტი მიხეილ სააკაშვილი, ევროპარლამენტის სხვადასხვა პოლიტიკური ჯგუფების წარმომადგენლებს შეხვდა. მან საქართველოში მიმდინარე პოლიტიკური პროცესის პარალელურად, მსოფლიოში აქტუალურ თემებზე ისაუბრა.
 
ტერორიზმის წინააღმდეგ ბრძოლა, გლობალური უსაფრთხოების საკითხები, მომავალი საპრეზიდენტო არჩევნები უკრაინაში და ბრექსიტი – ევროპელ დეპუტატებს მიხეილ სააკაშვილის პოზიცია სწორედ ამ საკითხებზე აინტერესებდათ.
 
„მიხეილ სააკაშვილი უდაოდ მსხვილი ფიგურაა საქართველოს ისტორიაში. მან ქვეყანაში განახორციელა არაერთი შესანიშნავი ცვლილება ეკონომიკის თვალსაზრისით. მას ყოველთვის აქვს ძალიან საინტერესო ხედვა არა მხოლოდ საქართველოსთან, არამედ უკრაინასთან დაკავშირებითაც. მე მტკიცედ მჯერა რომ ისეთი ქვეყნები როგორიც საქართველო და უკრაინაა ევროკავშირთან რაც შეიძლება ახლოს უნდა იყვნენ.
 
მე ძლიერი ოპონენტი ვარ რუსეთის ექსპანსიონიზმის, რომელიც ამ ქვეყნების შიდა საქმეებში ერევა , მათი ტერიტორიების ოკუპაციას ახდენს და ცდილობს გააკონტროლოს მათი საგარეო და ეკონომიკური პოლიტიკა. ჩვენ, ევროპარლამენტში, გვინდა დავინახოთ უფრო გამჭირვალე, ღია და დემოკრატიული საქართველო. ქვეყანაში კორუფციის წინააღმდეგ ბრძოლის გაგრძელება და კანონის უზენაესობის დაცვა,”-განაცხადა ევროპარლამენტის წევრმა ჩარლს ტანოკიმ
წინა სტატიარომან გოცირიძე მიხეილ ბატიაშვილს – უნდა გამოასწოროთ შეცდომა და გადადგეთ თანამდებობიდან
შემდეგი სტატიაბატონო მიხეილ, თქვენ დედა გყავთ? – რა უთხრა განათლების მინისტრს ბაჩანა შენგელიამ პარლამენტში
ტელეკომპანია ოდიშის საინფორმაციო სამსახური