ვრცელდება ინფორმაცია, რომ ტელეკომპანია “მაესტრო” იხურება. არხზე აღარ გავა საინფორმაციო გამოშვება

0
360
ვრცელდება ინფორმაცია, რომ ტელეკომპანია “მაესტრო” იხურება. არხზე აღარ გავა საინფორმაციო გამოშვება.
 
გავრცელებული ცნობით, “მაესტროს” თანამშრომელთა ნაწილს უკვე შესთავაზეს ტელეკომპანია “იმედზე” გადასვლა და ამ ეტაპზე მიმდინარეობს მოლაპარაკებები.
 
“მაესტროს” საინფორმაციო სამსახურის ხელმძღვანელი გიორგი ფუტკარაძე დახურვასთან დაკავშირებით გავრცელებულ ინფორმაციას არ ადასტურებს.
 
"შემიძლია გითხრათ, რომ სულ ცოტა ხნის წინ გვქონდა თათბირი, სადაც დღის მიმდინარე ამბები დავგეგმეთ. ანუ, ჩვეულ რეჟიმში ვაგრძელებთ მუშაობას. არხის დახურვასთან ან რეორგანიზაციასთან დაკავშირებით ჩემთვის არაფერია ცნობილი”- განაცხადა ფუტკარაძემ.
 
  “მაესტროს” თანამშრომელთა ნაწილის “იმედზე” გადასვლის შესახებ მოლაპარაკებებს არ ადასტურებს ტელეკომპანია “იმედის” საინფორმაციო სამსახურის უფროსი ნანა ლეჟავაც.
 
შეგახსენებთ, რომ “მაესტრო” 2017 წლის ივნისიდან ტელეკომპანია “იმედის” შენობიდან მაუწყებლობს.
წინა სტატია“თქვენ ხართ არასრულფასოვანი ქალაქის მაჟორიტარი”- მერაბ ქვარაიას 2018 წლის საქმიანობის ანგარიშის პრეზენტაციისას საყვედური უთხრეს [Video]
შემდეგი სტატიაბიძინა ივანიშვილმა სინგაპურში სასამართლო დავა წააგო. კვლავ გაურკვეველი რჩება, ვინ აგებს პასუხს მის მიერ დაკარგული 550 მილიონ აშშ დოლარისთვის
ტელეკომპანია ოდიშის საინფორმაციო სამსახური