მთავარისიახლეებისამართალილაშა გოგიას ადვოკატი ყოფილი მერისთვის გირაოს შეფარდებას ითხოვს

ლაშა გოგიას ადვოკატი ყოფილი მერისთვის გირაოს შეფარდებას ითხოვს

Published on

გაზიარება სამართალი 04.02.2019 / 11:19 ადვოკატი ზუგდიდის ყოფილი მერის, ლაშა გოგიასთვის 5 000-ლარიანი გირაოს შეფარდებას ითხოვს განსაკუთრებით დიდი ოდენობით ქრთამის აღების ბრალდებით დაკავებული ზუგდიდის ყოფილი მერის, ლაშა გოგიას, ვიცე-მერის, გია გულორდავასა და მათთან ერთად დაკავებული კიდევ ორი პირის ბრალდების სისხლის სამართლის საქმეზე თბილისის საქალაქო სასამართლოში წინასასამართლო სხდომა მიმდინარეობს. როგორც ჟურნალისტებთან ლაშა გოგიას ადვოკატი, ნიკოლოზ მჟავანაძე აცხადებს, ის ყოფილი მერისთვის აღკვეთის ღონისძიების სახით 5 000 ლარიანი გირაოს შეფარდების შუამდგომლობას დააყენებს. “რა თქმა უნდა, ქრთამი არ აუღია. ჩვენი მოთხოვნაა, აღკვეთის ღონისძიება პატიმრობა შეცვლილი იყოს, ვინაიდან გამოძიება დასრულდა. აქამდე გამოძიებას ჰქონდა ის მოტივი, რომ საქმეში მონაწილე პირებს შეიძლება მოწმეებზე ზეგავლენა მოეხდინათ. სასამართლოს გირაოს შევთავაზებთ 5 000 ლარის ოდენობით”, – აცხადებს მჟავანაძე. მისივე განმარტებით, საქმეში არაებული ვიდეოჩანაწერი სასაამართლომ დაუშვებელ მტკიცებულებად უნდა მიიჩნიოს. “დავაყენებთ შუამდგომლობას, დაუშვებელ მტკიცებულებად იქნეს ცნობილი ის ნივთმტკიცება, რომელიც საქმეშია. ე.წ. ფარული თვალთვალის შედეგად მოპოვებული მტკიცებულების საქმეზე დამაგრება გაუგონარია. ე.წ.-მა დაზარალებულმა, კვირკვიამ უკანონო თვალთვალი განახორციელა ქობალიას, გოგიას მიმართ. ფაქტობრივად, ამდენი ადამიანი ერთი კაცის ჩვენებით არის დაპატიმრებული. კვირკვიამ ჩაიწერა არა მისი და გოგიას საუბარი, არამედ მესამე პირი. ეს უკანონო თვალთვალი მიყურადებაა. ამას გარადა, აუდიოჩანაწერშიც არაფერია ისეთი, რაც შეიძლება ბრალის წაყენების საფუძველი გახდეს”, – აცხადებს მჟავანაძე. სახელმწიფო უსაფრთხოების სამსახურის ანტიკორუფციულმა სააგენტომ ზუგდიდის ყოფილი მერი ლაშა გოგია და ვიცე-მერი გია გულორდავა განსაკუთრებით დიდი ოდენობით ქრთამის აღების ბრალდებით 1-ელ ნოემბერს დააკავა. სუს-ის ინფორმაციით, გამოძიებამ დაადგინა, რომ 2018 წლის პირველ ნახევარში, ლაშა გოგიამ და გია გულორდავამ, რომლებიც იმ პერიოდში ზუგდიდის მუნიციპალიტეტის მერის და ვიცე-მერის თანამდებობებს იკავებდნენ, ქალაქ ზუგდიდში მდებარე გულუას ბაღის და რკინიგზის სადგურის მიმდებარე ტერიტორიების იჯარით გასაცემ აუქციონზე გატანის სანაცვლოდ მოქალაქეს ქრთამის სახით მოსთხოვეს და გამოართვეს განსაკუთრებით დიდი ოდენობით თანხა – 21 500 აშშ დოლარი

სიახლეები

პროკურატურამ ელენე ხოშტარიას მიმართ 5000 ლარიან საპატიმრო გირაო მოითხოვა

პროკურატურამ ელენე ხოშტარიას მიმართ 5000 ლარიან საპატიმრო გირაო მოითხოვა - ამის შესახებ სასამართლო სხდომაზე...

ცეცხლსასროლი იარაღის უკანონო შენახვა-ტარების ბრალდებით დაკავებულია ზურაბ ზვიადაური

თბილისში დააკავეს ძიუდოში ოლიმპიური ჩემპიონი და "ოცნების" ყოფილი დეპუტატი ზურაბ ზვიადაური. ინფორმაციას ამის შესახებ შსს-ს...

საგამოძიებომ 75 137 ბოთლი კუსტარულად დამზადებული სასმელი ამოიღო – დააკავეს 7 პირი

ფინანსთა სამინისტროს საგამოძიებო სამსახურის ინფორმაციით, შიდა ქართლში ამოღებულია უპრეცედენტო რაოდენობის, 75 137 ბოთლი ალკოჰოლური...

შსს- ამოღებულია 185 შეკვრა ნარკოტიკული საშუალება „ამფეტამინი“ – დაკავებულია წარსულში ნასამართლევი პირი

შინაგან საქმეთა სამინისტროს ქვემო ქართლის პოლიციის დეპარტამენტის რუსთავის საქალაქო სამმართველოს თანამშრომლებმა, ჩატარებული ოპერატიული ღონისძიებებისა...