განათლების, მეცნიერების, კულტურისა და სპორტის მინისტრის მიხეილ ბატიაშვილის განცხადებას, ზუგდიდში სტუმარმასპინძლობის სასწავლებლის გახსნის თაობაზე  ზუგდიდის  მე-6 საჯარო სკოლის გარდაცვლილი დირექტორის ია კერზაიას შვილი ბაჩანა შენგელია გამოეხმაურა.  „განათლების ამ მინისტრის და სისტემის სხვა მოხელეების სავარაუდო დანაშაულებრივმა ქმედებებმა, ზუგდიდში შეიწირა ადამიანის სიცოცხლე. სრული პასუხისმგებლობით ვაცხადებ, რომ ბატონ ლავრენტის ზუგდიდში არათუ რამე სასწავლებლის გახსნის, უბრალოდ ჩასვლის მორალური უფლება არ აქვს’,- აცხადებს ბაჩანა შენგელია. მისივე განცხადებით,განათლების მინისტრს პარლამენტში 7 თებერვალს მოსმენაზე ელოდებიან, სადაც თავადაც დაესწრება.