ფარულ კადრებთან დაკავშირებით დაკავებული 16 პირიდან ერთ-ერთი ზუგდიდელია. გ.ფარცვანიას მამა სამართალდამცველებს შვილის გათავისუფლების მოთხოვნით მიმართავს. 28 წლის ახალგაზრდას ოჯახი ამბობს, რომ ეს არის პოლიტიკური ზეწოლა, რადგამ მთელი ოჯახი არის „ნაციონალური მოძრაობის „ მხარდამჭერი.“ჩემი შვილი დაიჭირეს იმიტომ, რომ გუშინ დონბასში მებრძოლი ლუკა ჩხეტიას მხარდამჭერ აქციაზე იყო, მეტი არაფერი ვიცი, ჩვენ, მთელი ოჯახი ნაციონალები ვართ, წუხელ გავიგე, დამირეკეს და მითხრეს თქვენი შვილი დაკავებულიაო, ამას არ დავთმობთ“- აცხადებს დაკავებულის მამა. ბრალის დამტკიცების შემთხვევაში დანაშაული 4-დან 8 წლამდე ვადით თავისუფლების აღკვეთით ისჯება.საქართველოს სისხლის სამართლის კოდექსის 157-ე პრიმა მუხლის პირველი და მეორე ნაწილებით დაკავებულია 16 პირი.