მაჟორიტარული არჩევნების გაუქმება – ოპოზიცია ერთობლივ ინიციატივას პარლამენტში დღეს დაარეგისტრირებს. ამის შემდეგ კი პოლიტიკური პარტიების წევრები ქვეყნის მასშტაბით მოსახლეობასთან შეხვედრებს და ხელმოწერების შეგროვებას დაიწყებენ.
ხელისუფლების ოპონენტების განმარტებით, თუ არ მოხდა პროპორციულ საარჩევნო სისტემაზე დაუყოვნებლივ გადასვლა, ეს ქვეყანასთან ერთად ხელისუფლებასაც დააზიანებს.
„ვაიძულებთ საქართველოს ხელისუფლებას და ბიძინა ივანიშვილს,რომ ქვეყანაში 2020 წელს ჩატარდეს სამართლიანი პროპორციული არჩევნები,რაც საშუალებას მოგვცემს შეიცვალოს ის ხელისუფლება,რომელიც მიექანება უფსკრულისკენ“-ამბობს „ძალა ერთობაშია"-ს წევრი ბაჩუკი ქარდავა.