ეკა ბესელიას თანაგუნდელები მოითხოვენ დადგინდეს, ვინ იყო კადრების გავრცელების ინიციატორი და პირველწყარო

0
380
ეკა ბესელიას თანაგუნდელებს გამოძიებასთან მთავარი მოთხოვნა აქვთ – ისინი მოითხოვენ დადგინდეს ვინ იყო კადრების გავრცელების ინიციატორი და პირველწყარო.
 
ლევან გოგიჩაიშვილის განცხადებით, აუცილებელია დადგინდეს, ვინ იყო დამკვეთი.
 
„წყაროა ყველაზე მნიშვნელოვანი.ჩვენი მიმართვა და ლოდინი არის სწორედ წყაროს დადგენასთან დაკავშირებით, პირველი ადამიანი ვინ იყო, ვინც ამ კადრების დისტრიბუცია მოახდინა. ზოგმა შემდეგ ვერ გაუძლო ცდუნებას და გამოიყენა შეურაცხყოფისთვის, ესეც დასჯადია, მაგრამ მთავარი არის წყარო,“-ამბობს ლევან გოგიჩაიშვილი.
 
გედევან ფოფხაძე კი იმ პირებს მიმართავს, ვინც ეკა ბესელიასა და მის თანაგუნდელებს კადრების გავრცელების ფაქტის გამოგონებას აბრალებდა და ამბობს,რომ შს სამინისტროში დაწყებულმა გამოძიებამ ამ პირებს პასუხი გასცა.
 
ფოფხაძე ამბობს,რომ ახლა მთავარ კითხვას უნდა გაეცეს პასუხი, გამოძიებამ უნდა დაადგინოს, რა იყო ამ კადრების გავრცელების მთავარი მიზანი და ვინ გაავრცელა.
 
„შსს-ს გამოძიებამ ეს პოზიცია გააბათილა ბოლომდე და ახლა ვერავინ გვეტყვის,რ ომ ჩვენ მოვიგონეთ და ჩვენი ფანტაზიის ნაყოფია. ჩემთვის მთავარი არის მიზანი ამ ქმედების,“-აცხადებს გედევან ფოფხაძე. 
წინა სტატიაგიგა ბოკერია: ხელისუფლება ისრების გადატანას ცდილობს, რეალურ დამკვეთებს ვინც ეს სიბინძურის მანქანა ამოქოქა, არ სჯის
შემდეგი სტატიაზუგდიდის განახლებულ ბოტანიკურ ბაღში შესვლა ფასიანი გახდება
ტელეკომპანია ოდიშის საინფორმაციო სამსახური