„დონბასის“ წევრის ლუკა ჩხეტიას ოჯახი საქართველოს პროკურატურასთან შიმშილობის დაწყებას აპირებს. ზუგდიდიდან თბილისის მიმართულებით უკვე გაემგზავრნენ ჩხეტიას ოჯახის წევრები,ომის ვეტერანები და მისი თანამოაზრეები.ისინი თბილისში,მთავარ პროკურატურასთან აქციას გამართავენ. ოჯახის წევრების ინფორმაციით, დღევანდელი აქცია არის გამაფრთხილებელი,ხოლო მომდევნო იქნება ფართომასშტაბიანი. როგორც“პრაიმტაიმს“ ლუკა ჩხეტიას მამა სერგო ჩხეტია უცხადებს,დაახლოებით 100 კაცის შემადგენლობით გაემგზავრნენ დედაქალაქისკენ. „ იქ შემოგვიერთდებიან ომის ვეტერანები და მებრძოლები და ჩვენ ლუკას დედ-მამა ვიწყებთ შიმშილობას,, – განაცხადა სერგო ჩხეტიამ. გამაფრთხილებელ აქციას ასევე უერთდებაინ ბატალიონ „დონბასის“ თბილისში დაკავებული უკრაინელი მებრძოლების ოჯახის წევრები და მეუღლეებიც. ისინი მათი გათავისუფლების მოთხოვნით მიმართავენ ამერიკის საელჩოს,დიპლომატიური კორპუსის წარმომადგენლებს და საერთაშორისო თანამეგობრობას. აქციის დასრულების შემდეგ კი ლუკა ჩხეტიას მშობლები პროკურატურასთან შიმშილობას დაიწყებენ.
ლუკა ჩხეტიას დედ- მამა პროკურატურასთან აქციის დასრულების შემდეგ შიმშილობას იწყებენ
Published on