დონბასში მებრძოლი ქართველი სამხედროს ლუკა ჩხეტიას ოჯახი ამბობს, რომ უკანონოდ დაკავებულ პატიმარს ჯანმრთელობის პრობლემები აქვს. ჩხეტიას მამის ინფორმაციით, პატიმარი გლდანის ციხიდან საავადმყოფოშია გადაყვანილი ნერვული აშლილობის გამო. ,,ეს ინფირმაცია ჩემს გოგოს მიაწოდეს, დაურეკეს და უთხრეს, რომ აქვს ნერვული აშლილობა. ის უდანაშაულოა, მას იარაღი ჩაუდეს.მივმართავ საქართველოს პროკურატურას და შინაგან საქმეთა სამინისტროს, გამოუშვან ჩემი უდანაშაულო შვილი,რომელსაც იარაღი დაუდეს სასტუმროში-დილის 5 საათზე. ჩვენ ლუკას ოჯახი ვერ შევეგუებით ამ უსამართლობას და მე და ჩემი ოჯახი თავს შევაკლავთ… თუ შედეგი არ გამოიღო აქციებმა,რომელსაც ლუკას ოჯახი და თანამოაზრეები ვაანონსებთ პროკურატურის წინ,მე და ჩემი მეუღლე დავიწყებთ შიმშილობას და შევაკვდებით ამ ამბავს,ჩემი უდანაშაულო შვილის ჯანმრთელობის მდგომარეობა დღითიდღე უარესდება,“- განაცხადა ლუკა ჩხეტიას მამამ სერგო ჩხეტიამ. ჩხეტია გასული წლის ნოემბერში უკრაინის 7 მოქალაქესთან ერთად დააკავეს.როგორც შინაგან საქმეთა სამინისტროში აცხადებენ, ისჯგუფურად, ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა-შენახვის ბრალდებით არიან დაკავებული.
დონბასში მებრძოლი ლუკა ჩხეტიას ოჯახის იფორმაციით, პატიმარს ჯანმრთელობის პრობლემები აქვს -ოჯახი პროკურატურასთან აქციებს გეგმავს
Published on