დასრულდა ,, ქართული ოცნების“ ოფისში გამართული  საპარლამენტო უმრავლესობის წევრთა გაფართოებული სხდომის პირველი რაუნდი, რომელიც  4 საათზე მეტხანს გაგრძელდა და, როგორც შეხვედრიდან გამოსული დეპუტატები მედიასთან საუბარში აცხადებენ,  მეორე რაუნდი ხვალ გაიმართება. 

 

როგორც მოსალოდნელი იყო, შეხვედრაზე ერთ-ერთი მნიშვნელოვანი განსახილველი საკითხი უზენაესი სასამართლოს მოსამართლეობის კანდიდატების სია იყო:

 

,, დღეს „ვიმსჯელეთ იმ საკითხებზე, რა საკითხებიც აწუხებს საზოგადოებას, ანუ უზენაესი სასამართლოს მოსამართლეობის კანდიდატებზე ერთის მხრივ და მეორეს მხრივ რა დამატებით ზომებს უნდა მივმართოთ იმისათვის, რომ ნდობა სასამართლო ხელისუფლების მიმართ საზოგადოებაში მკვეთრად გაიზარდოს. დისკუსია გაიმართა ამ თემის გარშემო.  შევთანხმდით, რომ ხვალაც გავაგრძელოთ იგივე თემაზე დისკუსია, იმიტომ რომ ბევრი მსურველია დისკუსიაში მონაწილეობის მისაღებად და არ გვეყო დრო ეს ყველაფერი დაგვესრულებინა“, – განაცხადა ზაქარია ქუცნაშვილმა..

 

 მისივე  განცხადებით, სხდომაზე რომელიმე დეპუტატის გარიცხვის საკითხი არ დამდგარა.  განსხვავებული აზრი მხოლოდ ეკა ბესელიას არ აქვს. ეკა ბესელია არ არის ერთადერთი, რომელსაც აქვს საკუთარი აზრი, ამიტომ ნუ მივაკუთნებთ ამ თემას ეკა ბესელიას. – განაცხადა მან.