ზუგდიდის რეფერალურ ჰოსპიტალში გრიპის ვირუსისთვის დამახასიათებელი სიმპტომებით, დღეის მდგომარეობით 14 პაციენტი მკურნალობს, აქედან ახალგაზრდა მამაკაცი,რომელიც თითქმის 2 კვირის განმავლობაში მართვით სუნთქვაზე იმყოფებოდა,მისი ჯანმრთელობის მდგომარეობა დამაყმაყოფილებელია. ჰოსპიტალის კლინიკური მენეჯერის სულხან ორჟონიას თქმით,ბოლო დღეების განმავლობაში, როგორც მოთავსებული პაციენტების რაოდენობამ, ასევე მიმართვიანობამ იკლო. „ჩვენდა საბედნიეროდ,გვაქვს სასიხარულო ფაქტი,პაციენტი,რომელიც რამდენიმე დღის განმავლობაში მართვით სუნთქვაზე იმყოფებოდა,მისი ჯანმრთელობის მდგომარეობა დინამიკაში გაუმჯობესდა“,- განაცხადა ორჟონიამ. მისივე ინფორმაციით,დეკემბერ-იანვარში სამეგრელოში ე.წ. ღორის გრიპის ვირუსის 15-მდე შემთხვევა დაფიქსირდა. აქედან, სამი ადამიანი გარდაიცვალა. პრეპარატ „ტამიფლუთი“ კი სამეგრელოში ანტივირუსული მკურნალობა სულ 450 პირმა ჩაიტარა.