ზუგდიდის ბაზრის გარეთა პერიმეტრზე გარევაჭრობის კონსტრუქციებს იღებენ [Video]

0
375

ზუგდიდში ბაზრის გარეთა პერიმეტრზე მომუშავეთა დახლებს იღებენ. ადგილზე იმყოფება მერიის ზედამხედველობის სამსახური. გარემოვაჭრეებს ტერიტორია გასული წლის თებერვალში დაატოვებინეს, რის გამოც ისინი აქციებს პერმანენტულად მართავდნენ. რამდენიმეთვიანი პაუზის შემდეგ გარემოვაჭრეები ისევ დაუბრუნდნენ იმავე ლოკაციას. მათ მერიას გარევაჭრობის უფლება თხოვეს. მერიამ საარჩევნოდ გარემოვჭრეებს მუშაობის ნება დართო. ამ წუთებში, ბაზრის მიმდებარე ტერიტორიაზე იმყოფებიან ზედამხედველობისა და არქიტექტურის სამსახურის წარმომადგენლები, რომლებიც ახორციელებენ კონსტრუქციების დემონტაჟს."ხილ-ბოსტანით მოვაჭრეებისთვის გვაქვს ორი ლოკაცია,სადაც ისინი იმუშავებენ ცივილურად და ერთი თვე გათავისუფლდებიან გადასახადისგან,შემდეგ კი გადაიხდიან 3 ლარს.რაც შეეხება ტანსაცმლით მოვაჭრეებს მათთვის ფართს ვეძებთ. იმ შემთხვევაში თუ მიუხედავად გაფრთხილებისა, ხვალ დილას ისინი კვლავ გადაკეტავენ პერიმეტრს და ხელს შეგვიშლიან მუშაობაში,შესაბამისი სამსახურები იმოქმედებენ კანონის ფარგლებში",-განაცხადა ზედამხედველობისა და არქიტექტურის სამსახურის უფროსის მოვალეობის შემსრულებელმა იაგო ქირიამ. რაც შეეხება გარემივაჭრეებს, ნაწილი იმყოფება ადგილზე, მათი თქმით, დილით გააფრთხილეს, რომ დახლებს აიღებდნენ, თუმცა ისინი ამბობენ, რომ მცირებიუჯეტიანი საქონლით ვაჭრობენ და ის ალტერნატიული ფართი, რომელსაც მერია მათ სთავაზობს, მათთვის მიუღებელია.

 

 

 

 

 

წინა სტატიათბილისის საჯარო ბაგა-ბაღებში ბავშვებისთვის განკუთვნილი საკვები სტანდარტებს ვერ აკმაყოფილებს
შემდეგი სტატიაე.წ. ჭკვიანი კამერების ჩართვის შედეგად, ტექინსპექტირების არგავლის გამო, 4 დღეში 6 654 ჯარიმა გამოიწერა
ტელეკომპანია ოდიშის საინფორმაციო სამსახური