დე ფაქტო აფხაზეთის ხელისუფლებამ ენგურის ხიდი 25 იანვრამდე ჩაკეტა, მიზეზი საქართველოში გავრცელებული  ღორის გრიპია. ერთ-ერთი დევნილი ამბობს, რომ მათთვის ხიდის ჩაკეტვის შესახებ ინფორმაცია ცნობილია, თუმცა დასძენს, რომ ეს მათ დისკომფორტს შეუქმნის. „პროდუქტებზე ჩვენ ზუგდიდში გადმოვდივართ,აქ უფრო იაფად ვყიდულობთ’,- აცხადებენ ენგურსგაღმა მცხოვრებლები. შეიზღუდება მოსახლეობის გადაადგილება, იმ მიზნით რომ ოკუპირებული აფხაზეთის ტერიტორიაზე დაავადებული ადამიანების შესვლა თავიდან იყოს აცილებული. სპეციალისტები მოსახლეობას გრიპის საწინააღმდეგო აცრების ჩატარებისა და ჰიგიენის ზომების დაცვისკენ მოუწოდებენ.