ყველა შემთხვევისას, როდესაც პაციენტი სტაციონარში ხვდება, დაგვიანებული მიმართვიანობაა – აცხადებს ჯანდაცვის მინისტრის მოადგილე

0
384
გრიპის ვირუსის ყველა შემთხვევისას პაციენტის სტაციონარში მოხვედრის მიზეზი დაგვიანებული მიმართვიანობაა, – ამის შესახებ ჯანდაცვის მინისტრის მოადგილე ზაზა ბოხუამ კლინიკა „ვერეში“ განაცხადა. აღნიშნული ერთ-ერთია იმ კლინიკებიდან, რომელიც დღეიდან 24-საათიან რეჟიმში იმუშავებს.
 
მისი თქმით, მნიშვნელოვანია ოჯახის ექიმისთვის დროულად მიმართვა. რაც შეეხება გრიპის ვირუსის გამო ბაგა-ბაღების და სკოლების დაწყების გადადებას, ბოხუას განცხადებით, ეს საკითხი ჯერჯერობით არ დგას.
 
მინისტრის მოადგილის ინფორმაციით, ერთკვირიანი მონაცემების მიხედვით, სტაციონარებში მიმართვიანობის კლებაა.
 
„რაც შეეხება ბაგა-ბაღებთან და სკოლებთან დაკავშირებულ კითხვებს, ამაზე დღეს საუბარი არ არის. სავარაუდოდ, უახლოეს მომავალშიც არ იქნება. ამაზე მოგვიანებით იქნება ანალიზი გაკეთებული. თუმცა, ჯერჯერობით ასეთი საკითხი არ დგას", – განაცხადა ბოხუამ.
 
მან ასევე მკურნალობის დროულად დაწყებაზე გაამახვილა ყურადღება.
 
„ყველა შემთხვევისას, როდესაც პაციენტი სტაციონარში ხვდება, დაგვიანებული მიმართვიანობაა. ამიტომ, 24-საათიან რეჟიმში გადავიყვანეთ პირველადი ჯანდაცვის დაწესებულებები, რომ დროულად შეეძლოთ ადამიანებს მისვლა", – განაცხადა ბოხუამ..
წინა სტატიაგორში 35 წლის ქალი ღორის გრიპით გარდაიცვალა
შემდეგი სტატიადღეიდან საქართველოს მთელ ტერიტორიაზე ამინდი გაუარესდება
ტელეკომპანია ოდიშის საინფორმაციო სამსახური