თენგიზ ქობალიას მეგობრები სოლიდარობას უცხადებენ და სასამართლოს მისი გათავისუფლების თხოვნით მიმართავენ

0
351
სოლიდარობა თენგოს!!! – ამ სახელწოდებით სოციალურ ქსელში მიმართვა გაჩნდა. პოსტი  დანაშაულის შეუტყობინებლობისა და ცრუ ჩვენების მიცემის ბრალდებით დაკავებული თენგიზ ქობალიას მეგობარმა ლევან ბეჭვაიამ გამოაქვეყნა. მიმართვის ავტორი მოუწოდებს საზოგადოებას გაერთიანდნენ დაკავებული თენგიზ ქობალიას დასაცავად და თავდებში ჩაუდგნენ მას. ქობალიას გათავისუფლების მოთხოვნით ისინი სასამართლოს ადვოკატის დახმაებით მიმართავენ. „ძალიან შეგვტკივა გული თენგოზე, ის არის ღირსეული ზუგდიდელი და პატრიოტი, რომელიც დაკავებულია აბსურდული ბრალდებით, ასე შეიძლება ნებისმიერი მოქალაქე დააკავონ.“- განუცხადა „ოდიშინიუსს“ ლევან ბეჭვაიამ. მისი თქმით, ამ მიმართვას, რომელიც სპონტანურად გამოქვეყნდა, ძალიან ბევრი მხარდამჭერი გამოუჩნდა და მას იმედი აქვს, რომ სასამართლო მათ მოთხოვნას დააკმაყოფილებს. „ამას რაღაც ფორმით შეიმუშავებს ადვოკატი და შუამდგომლობას გაგვიწევს სასამართლოში“- განაცხადა ლევან ბეჭვაიამ. „დარწმუნებულები ვართ,რომ ეს მდგომარეობა და გაუგებრობა გაირკვევა ძალიან მალე.იმედი გვაქვს გადაწყვეტილების მიმღები სტრუქტურების და დამოუკიდებელი სასამართლოსი! ხალხის სიყვარული გადაწონის ყველანაირ უსამართლობას!“- წერია მიმართვის ტექსტში. თენგიზ ქობალიას მეგობრის თქმით, მის მდგომარეობაში შეიძლება აღმოჩნდეს ნებისმიერი მისი კოლეგა.მერიის ეკონომიკური პოლიტიკისა და სერვისების მართვის სამსახურის ყოფილი უფროსის სასამართლო 4 თებერვალსაა ჩანიშნული. სუს-ის ანტიკორუფციულმა სამსახურმა თენგიზ ქობალია დანაშაულის შეუტყობინებლობის ბრალდებით 24 დეკემბერს სამუშაო კაბინეტში დააკავა.
 მიმართვის ტექსტს, რომელიც ფეისბუკში გამოქვეყნდა, უცვლელად გთავაზობთ.
„ზუგდიდელებო,მეგობრებო,თენგოს კოლეგებო,ნაცნობებო,ადამიანებო-ვისაც გჯერათ,გიყვართ და გულშემატკივრობთ თენგოს!ჩვენი-თენგოს მეგობრების ინიციატივას,მიგვემართა სასამართლოსთვის და ჩავდგომოდით თავდებში პატიოსან და ღირსეულ ზუგდიდელს,იმდენად დიდი გამოხმაურება მოყვა,რომ ჩვენ,თენთოს მეგობრები მოგმართავთ,აქვე დააფიქსიროთ თქვენი მხარდაჭერა!თენგო საუკეთესო პიროვნებაა,გამორჩეული თავისი ადამიანური თვისებებით.ღვთისნიერი,კეთილშობილი,სამართლიანი!საკუთარი ქალაქისა და ქვეყნისთვის თავდადებული!საიმედო ნებისმიერი ზუგდიდელისთვის!საქმის ერთგული და უღალატო მეგობარი!იმ მოცემულობაში,რომელშიც აღმოჩნდა პროფესიონალი საჯარო მოხელე,შესაძლებელია ნებისმიერი მისი კოლეგა აღმოჩნდეს!სოლიდარობის გამოხატვით დაიცავით საკუთარი უფლებებიც! ღირსეულ პიროვნებას შეუფერებელი ფორმით დაკავების დროსაც კი,რამაც გული ატკინა და გააოგნა მთელი ქალაქი ,ღირსეულად ეჭირა თავი!დარწმუნებულები ვართ,რომ ეს მდგომარეობა და გაუგებრობა გაირკვევა ძალიან მალე.იმედი გვაქვს გადაწყვეტილების მიმღები სტრუქტურების და დამოუკიდებელი სასამართლოსი! ხალხის სიყვარული გადაწონის ყველანაირ უსამართლობას!“- წერია მიმართვის ტექსტში
 
წინა სტატიათოვლისა და ლიპყინულის გამო ზუგდიდი-ჯვარი-მესტია-ლასდილის საავტომობილო გზაზე შეზღუდვები დაწესდა
შემდეგი სტატიაგარკვეული კატეგორიის მართვის მოწმობებს იურიდიული ძალა 2019 წლის 1-ელ მარტამდე შეუნარჩუნდება
ტელეკომპანია ოდიშის საინფორმაციო სამსახური