ზუგდიდის საკრებულოს ფრაქცია "ნაციონალური მოძრაობის" თავმჯდომარე ანა წითლიძე მიკროსაფინანსო ორგანიზაცია "ლენდოს" ყაჩაღობისთვის ბრალდებულის რეკომენდატორის დასახელებას ითხოვს. ამ კითხვით მან დღეს საკრებულოს თავმჯდომარეს მიმართა.ანა წითლიძის თქმით, ადამიანი, რომელსაც ზუგდიდელები წლებია ხელფასს უხდიან, ყაჩაღობაშია ბრალდებული და აუცილებელია იცოდნენ სამსახურში აყვანისას მისი რეკომენდატორი ვინ იყო. საკრებულოს თავმჯდომარის თქმით, არ ფლობს ინფორმაციას, თუ ვინ გაუწია რეკომენდაცია ილია გოგილავას, თუმცა პირობა მისცა ოპოზიციას, რომ საკითხით დაინტერესდება.
შეგახსენებთ, რომ "ლენდოს" დაყაჩაღებაში ბრალდებულს სასამართლომ 4 წლით თავისუფლების აღკვეთა მიუსაჯა. ბრალდებული ილია გოგილავა ზუგდიდის მერიის ააიპ-ის კეთილმოწყობის სამსახურის თანამშრომელი იყო. მან იარაღის მუქარით მიკრობანკიდან 1300 ლარი გაიტაცა და მიიმალა.