ზუგდიდში, კოსტავას ქუჩაზე ნისანის მარკის ავტომობილი, რომელსაც 30 წლამდე მამაკაცი მართავდა, ქვეითად მოსიარულე დედა-შვილს დაეჯახა. შემთხვევა რამდენიმე წუთის წინ მოხდა. ავარიის შედეგად დაშავდა დედა მ.კ., რომელიც სასწრაფო დახმარების ბრიგადამ საავადმყოფოში გადაიყვანა. ადგილზე სამართალდამცავები არიან მობილიზებული, დაზარალებულს ადგილზე გაეწია პირველადი დახმარება. ავტომანქანის მძღოლი პოლიციის სამმართველოში დაკითხვაზე გადაყავთ. რაც შეეხება დაშავებულ ქალბატონს, მისი მდგომარეობა სასწრაფოს ექიმის თქმით, სტაბილურია, აქვს სავარაუდოდ მოტეხილობები.