ინგირის მე-2 საჯარო სკოლის სარემონტო სამუშაოებზე დასაქმებული 25-მდე მუშა კუთვნილ 2 თვის ხელფასს ითხოვს. ხელფასების მოთხოვნიტ აქცია მუშებმა მე-4 სკოლასთან გამართეს.მათი თქმით, კომპანიასთან მუდმივად პრობლემები აქვთ და ხელფასებს დროულად არ უხდიან. „ მშიერი ცოლ-შვილი მელოდება სახლში და რა ვქნა? ჩინელები ფულს არ გვაძლევენ, გვითხრეს 15-სი იქნებაო და რამდენი 15 გავიდა და გვატყუებენ, ხვალ იქნება, ზეგ იქნებაო და ვითხოვთ პასუხს, არავინ ჩვენი პატრონი აღარაა“- უთხრა „იდიშინიუსს“ ერთ-ერთმა მუშამ. სკოლების რეკონსტრუქცია ათასწლეულის გამოწვევის ფონდის – საქართველოს პროექტის ფარგლებში ხორციელდება.  ჩინური სამშენებლო კომპანიის "ვეენდჯეეს" წარმომადგენლების თქმით, მუშებს ხელფასები მიმდინარე კვირას დაერიცხებათ, ხოლო რატომ არის მუდმივად ხელფასების პეობლემა კომპანიასთან, პასუხი არ აქვთ. "ვეენდჯეეს" წინაარმდეგ მე-4 სკოლაში დასაქმებულმა მუშებმა აქცია რამდენჯერმე გამართეს.