მთავარისიახლეებიეკონომიკასემეკში გაზის ახალ ტარიფზე მსჯელობენ - ბუნებრივი აირის საფასური სავარაუდოდ გაიზრდება

სემეკში გაზის ახალ ტარიფზე მსჯელობენ – ბუნებრივი აირის საფასური სავარაუდოდ გაიზრდება

Published on

 ენერგეტიკის მარეგულირებელ კომისიაში ამ წუთებში მიმდინარეობს სხდომა, , სადაც ბუნებრივი აირის ტარიფი უნდა დადგინდეს. როგორც  სემეკ-ის ტარიფებისა და ეკონომიკური ანალიზის დეპარტამენტის დირექტორი გივი სანიკიძე აცხადებს,  
 
ახალი სამომხმარებლო ტარიფი 1-ელი იანვრიდან ახალი მოცემულობით ამოქმედდება –  ცვლილება მილიონამდე აბონენტს შეეხება.
 
"სამომხმარებლო ტარიფი შედგება მრავალი კომპონენტისგან. კომპანიების მიერ წარმოდგენილი ინფორმაცია ყველა კომპონენტის ნაწილში იქნა გაანალიზებული. ჩვენ წარმოვადგენთ ჩვენს მოსაზრებას თითოეულ კომპანიასთან მიმართებაში კომისიის სხდომაზე, მაგრამ ერთია აპარატის მოსაზრება, რომელსაც შეიძლება არ ეთანხმებოდნენ კომპანიები და მსჯელობის შედეგად უნდა მოხდეს გადაწყვეტილების მიღება. შემიძლია დანამდვილებით გითხრათ, რომ სამომხმარებლო ტარიფი 1-ელი იანვრიდან ახალი მოცემულობით ამოქმედდება. დღეს მოქმედი ტარიფის ვადა იწურება მიმდინარე წლის ბოლოსთვის. შესაბამისად, იმ ტექნიკურ-ეკონომიკური მაჩვენებლების საფუძველზე, რომელიც გაანალიზდა და რომელიც კომისიის აპარატის პროექტით გათვალისწინებული უნდა იქნეს ტარიფში, ბუნებრივია, ცვლილებები იქნება. თუ როგორი ცვლილება იქნება, ამის შესახებ გადაწყვეტილებას მიიღებს კომისია,"- განაცხადა გივი სანიკიძემ.
 
ბუნებრივი აირის ტარიფის სავარაუდო გაზრდას ოპოზიციის წევრები ეხმაურებიან. „ევროპული საქართველოს“ წევრი, ზურაბ ჭიაბერაშვილი ამბობს, რომ გაზზე საფასურის მატება მოსახლეობას მძიმე ტვირთად დააწვება.
 
ოპოზიციის წარმომადგენელმა მთავრობის მიერ დენის ტარიფის გაზრდაც გაიხსენა და აღნიშნა, რომ მთავრობა ამჯერად კი გაზზე საფასურს ზრდის.
 
„გაზის ტარიფი ძალიან ბევრ რეგიონში ორი წლის წინ უკვე გაიზარდა და მძიმე ტვირთი ისედაც უკვე იყო ჩვენი გაღარიბებული მოსახლეობისთვის. შარშან ივანიშვილის მთავრობამ გააკეთა საჩუქრის სახით საზოგადოებისთვის დენის ტარიფის გაზრდა. სამწუხაროდ, იგივე მეორდება ახალი წლებისთვის, როცა მაღალი ალბათობით, მოსალოდნელია გაზის ტარიფის გაზრდა და ეს კიდევ უფრო დაამძიმებს ჩვენი გაღარიბებული მოქალაქეების მდგომარეობას,“- განაცხადა ზურაბ ჭიაბერაშვილმა.
 
 

სიახლეები

რევაზ ნადარაიამ დარბაზი მაია კოპალეიშვილსაც დაატოვებინა

ხმაურის და სიტყვიერი დაპირისპირების ფონზე საკონსტიტუციო სასამართლოს თავმჯდომარე რევაზ ნადარაიამ მაია კოპალეიშვილი სხდომათა დარბაზიდან...

ნიკა გვარამია საკონსტიტუციო სასამართლოს სხდომათა დარბაზიდან გააძევეს

საკონსტიტუციო სასამართლოს თავმჯდომარე რევაზ ნადარაიამ „კოალიცია ცვლილებისთვის“ ლიდერი ნიკა გვარამია სხდომის დარბაზიდან გააძევა. „საკონსტიტუციო სასამართლოს...

განგაშის ზარი უნდა დავრეკოთ, რომ ასე გაგრძელება უკვე აღარ შეიძლება. თავისი შესაძლებლობა სრულად ამოწურა, ამ ხელისუფლებამ – მეუფე იობი

„მშვიდობის ნიღბის ქვეშ ყველაფერი იყიდება. მშვიდობა შეგვინარჩუნა ამ ხელისუფლებამ, მაგრამ ვხედავთ, რომ ახალგაზრდების გადინებაა...

პირადი ცხოვრების საიდუმლოს ხელყოფის ფაქტზე ერთი პირი დააკავეს

პირადი ცხოვრების საიდუმლოს ხელყოფის ფაქტზე ერთი პირი დააკავეს. ინფორმაციას ამის შესახებ პროკურატურა ავრცელებს. უწყების ცნობით,...