მოსკოვის პატრიარქი ეჭვქვეშ აყენებს ოკუპირებულ რეგიონებში საქართველოს კათოლიკოს-პატრიარქის იურისდიქციას- მის წერილში ილია მეორის ტიტულიდან კვლავ ამოღებულია “ბიჭვინთისა და ცხუმ-აფხაზეთის მიტროპოლიტის” წოდება.

0
456
მოსკოვის პატრიარქმა კირილმა მართლმადიდებელი ეკლესიების მეთაურებს წერილით მიმართა.
 
კირილი წერილში მხარდაჭერას ითხოვს და აღნიშნავს, რომ კონსტანტინოპოლის საპატრიარქომ ცრუეპისკოპოსების მონაწილეობით არაკანონიკური კრება შეკრიბა, რითაც იერიში მიიტანა "კანონიკურ მართლმადიდებლობაზე".
 
პატრიარქი კირილი წერს, რომ კონსტანტინოპოლის საპატრიარქო უხეშად არღვევს მართლმადიდებელი ეკლესიის კანონებს.
 
მიუხედავად იმისა, რომ პატრიარქი კირილი მართლმადიდებელი ეკლესიების წინამძღოლებს კონსტანტინოპოლის საპატრიარქოს დამპყრობლური პოლიტიკით აშინებს და წერს, რომ "უკრაინული სცენარი შესაძლოა განხორციელდეს რომელიმე სხვა ადგილობრივ ეკლესიაშიც" – იმავე წერილში, ეჭვქვეშ აყენებს ოკუპირებულ რეგიონებში საქართველოს კათოლიკოს-პატრიარქის იურისდიქციას.
 
კერძოდ, კათოლიკოს-პატრიარქი ილია მეორე კვლავ მოიხსენიება არასრული ტიტულით. ტიტულიდან კვლავ ამოღებულია "ბიჭვინთისა და ცხუმ-აფხაზეთის მიტროპოლიტის" წოდება.
 
ამის პარალელურად, კონსტანტინოპოლის საპატრიარქო ოფიციალურ დოკუმენტებში საქართველოს ეკლესიის საჭეთმპყრობლის ტიტულს სრულყოფილად მოიხსენიებს.
 
წინა სტატიამიხეილ სააკაშვილი: ,,ივანიშვილი საქართველოში აშენებს კადიროვის ჩეჩნეთს, სადაც იქნება ფული და ძალადობა. ”
შემდეგი სტატია,,შემოსავლები იზრდება, ჩვენ ყოველ წელს და ყოველ თვე უკეთესად და უკეთესად ვცხოვრობთ ” – ეკონომიკის მინიტრის ილუზიები თუ მოსახლეობის დაუნახაობა?
ტელეკომპანია ოდიშის საინფორმაციო სამსახური