ბაჩანა შენგელია: .პროკურატურას დამატებითი მტკიცებულებებსაც გადავცემ იმასთან დაკავშირებით, თუ რა ზეწოლის პირობებში და დამამცირებელ გარემოში უწევდა დედაჩემს მუშაობა”

0
452
ზუგდიდის მე-6 სკოლის გარდაცვლილი დირექტორის, ია კერზაიას შვილის, ბაჩანა შენგელიას განცხადებით, მას იმედი აქვს, რომ პროკურატურა მის დედაზე განხორციელებულ ზეწოლის ფაქტებს გამოიძიებს და შესაბამის რეაგირებას მოახდენს. ამის შესახებ ბაჩანა შენგელიამ „ინტერპრესნიუსს" განუცხადა.
 
„პროკურატურაში დაბარებული ვარ გამოკითხვაზე, თუმცა ეს არ ნიშნავს იმას, რომ ამ საქმეზე დაიწყო გამოძიება. იმედი მაქვს, რომ გამოძიება დაიწყება, ამიტომაც მივმართე განცხადებით. პროკურატურას უკვე მივაწოდე გარკვეული სახის დოკუმენტები. ჩემს ჩვენებასთან ერთად ვაპირებ დამატებითი მტკიცებულებებიც გადავცე იმასთან დაკავშირებით, თუ რა ზეწოლის პირობებში და დამამცირებელ გარემოში უწევდა დედაჩემს მუშაობა", – აღნიშნა ბაჩანა შენგელიამ.
 
25 დეკემბერს, მთავარ პროკურატურაში ზუგდიდის მე-6 სკოლის გარდაცვლილი დირექტორის, ია კერზაიას შვილს, ბაჩანა შენგელიას გამოკითხავენ.
 
შენგელიას, პროკურატურაში შეტანილი განცხადების საფუძველზე გენერალური პროკურატურიდან დღეს დაუკავშირდნენ, თუმცა მან განაცხადა, რომ ზუგდიდიდან თბილისში ჩამოსვლას და პროკურატურაში გამოცხადებას სამშაბათამდე ვერ შეძლებს.
 
ბაჩანა შენგელიამ საქართველოს პროკურატურას გუშინ, 19 დეკემბერს მიმართა და მის განცხადებაში დასახელებული გარემოებების და თანდართული დოკუმენტაციის საფუძველზე გამოძიების დაწყება მოითხოვა.
 
ბაჩანა შენგელაია, დედის, მე-6 სკოლის ყოფილი დირექტორის, ია კერზაიას გარდაცვალების ფაქტს წინასაარჩევნოდ მასზე განხორციელებულ პოლიტიკურ ზეწოლას უკავშირებს.
წინა სტატიალიტერატურის პოპულარიზაციისთვის ,,ოდიშის,, ჟურნალისტი, პოეტი ნიკა ლაშხია დააჯილდოვეს
შემდეგი სტატიაგიორგი გახარიამ დეპუტატების უხერხული შეკითხვებისაგან თავი დაიზღვია: ჩვენ აქ ვიმყოფებით შინაარსობრივი დისკუსიისთვის და არა პოლიტიკური ცეკვებისთვის კამერების წინ
ტელეკომპანია ოდიშის საინფორმაციო სამსახური