დაპირისპირება ეკა ბესელიასა და სალომე სამადაშვილს შორის – „ნაციონალური მოძრაობის“ წევრმა კომიტეტის სხდომაზე გუშინ მომხდარი დაპირისპირების შემდეგ იურიდიული კომიტეტის დატოვების გადაწყვეტილება მიიღო და ადამიანის უფლებათა დაცვის კომიტეტში გადასვლა მოითხოვა.
სალომე სამადაშვილი ამბობს, რომ თავად საპარლამენტო უმრავლესობის წევრებს აღარ სურთ, რომ ეკა ბესელია იყოს იურიდიულ საკითხთა კომიტეტის თავმჯდომარე, რადგან ბესელია ოდიოზურ ფიგურად ჩამოყალიბდა.
„ქალბატონი ბესელია იმდენად ოდიოზურ ფიგურად ჩამოყალიბდა ქართულ პოლიტიკაში, რომ მის საკუთარ თანაგუნდელებს ეუხერხულებათ ის, რომ ის იურიდიული კომიტეტის თავმჯდომარეა და ფაქტობრივად ვიცით, რომ მიდის მცდელობა, რომ ის ამ პოსტიდან გადააყენონ იმიტომ, რომ ეკა ბესელია არის დღეს ქვეყანაში კორუფციის, არაკომპეტენტურობის, უვიცობის, თავხედობის და ყაჩაღობის ეკვივალენტი, ასეთი რეპუტაცია აქვს მას. რა თქმა უნდა, ზოგიერთი კანონი მან უკეთესად იცის, ვიდრე მე, მაგალითად, საკუთარ დედას, რომ გვარი უნდა გამოუცვალო, რომ ნაყაჩაღარი ქონება გადამალო, ეს მან კარგად მოიფიქრა. ვფიქრობ, რომ ეკა ბესელია არის სირცხვილი ქართული პარლამენტარიზმის, სირცხვილი არის ქართველი ხალხის, რომ ის საქართველოს პარლამენტის წევრია და მე არანაირი სურვილი არ მაქვს, კომიტეტში გავაგრძელო მუშაობა, რომელსაც ის ხელმძღვანელობს,“ – განაცხადა სალომე სამადაშვილმა.
შეგახსენებთ, ეკა ბესელიამ დღეს სალომე სამადაშვილს კანონების არმცოდნე უწოდა.