წუხელ ვერაზე ახალგაზრდებს შორის სისხლიანი ინციდენტი მოხდა

0
436
სისხლიანი გარჩევა თბილისში – წუხელ, გვიან ღამით ვერაზე,, ტატიშვილის ქუჩაზე მდებარე ერთ–ერთ კლუბთან ახალგაზრდებს შორის სისხლიანი ინციდენტი მოხდა. ცივი იარაღით დაჭრილი 4 მამაკაცი,  საავადმყოფოში გადაიყვანეს, ერთი, შედარებით მსუბუქად არის დაჭრილი და  უკვე შინ მკურნალობს, ხოლო სამი საავადმყოფოში ქირურგიულ განყოფილებაში რჩება.
 
,, მათ აღენიშნებოდათ სხვადასხვა სახის ჭრილობები  გულმკერდისა და ბარძაყის არეში . სამივეს წუხელვე ჩაუტარდა ოპერაცია და ამ დროისათვის  მათი მდგომარეობა სტაბილურია ,“- ამბობენ  ღუდუშაურის სახელობის ეროვნული სამედიცინო ცენტრის ექიმები გ
 
რა გახდა ვერაზე სისხლიანი გარჩევის მიზეზი, უცნობია. არსებული ინფორმაციით, დაჭრას წინ ურთიერთშელაპარაკება უძღოდა. ახალგაზრდებს შორის კონფლიქტი, სავარაუდოდ, შენობაში დაიწყო, შემდეგ კი ქუჩაში შეიარაღებულ დაპირისპირებაში გადაიზარდა.

 
შინაგან საქმეთა სამინისტროს ინფორმაციით, სავარაუდო დამნაშავე დაკავებულია.
 
 გამოძიება მიმდინარეობს სისხლის სამართლის კოდექსის 117-ე მუხლით, რაც ჯანმრთელობის განზრახ მძიმე დაზიანებას გულისხმობს.
წინა სტატიათელავის მერიამ გაერთიანებულ ოპოზიციას ერეკლეს ძეგლთან აქციის ჩატარებაზე უარი უთხრა
შემდეგი სტატიამერიის უარის მიუხედავად, გაერთიანებული ოპოზიცია აქციას თელავის ცენტრში გამართავს
ტელეკომპანია ოდიშის საინფორმაციო სამსახური