პარიზში "ყვითელი ჟილეტების" საპროტესტო აქცია დაიწყო. საფრანგეთის დედაქალაქში ათასობით ადამიანია შეკრებილი. აქციები მთელი ქვეყნის მასშტაბით თითქმის ყველა დიდ ქალაქში იმართება.
უსაფრთხოებისთვის მხოლოდ პარიზის ცენტრში 8 000 ოფიცერი და 12 ჯავშანტექნიკა განთავსდა.
აქციის დაწყებამდე, მინიმუმ, 34 ადამიანი დაკავეს, ხოლო დაწყებიდან მოკლე ხანში კიდევ 127 ადამიანი, პოლიციამ მანიფესტანტების ჯგუფის წინააღმდეგ ცრემლსადენი გაზი გამოიყენა, თუმცა ,როგორც ადგილობრივი მედია იტყობინება, ამ ეტაპზე პოლიციელებსა და მანიფესტანტებს შორის მასშტაბურ შეტაკებებს ადგილი არ ჰქონია.
"ყვითელი ჟილეტების" მოძრაობის პროტესტი სამი კვირის წინ დაიწყო საწვავზე გაზრდილი გადასახადის დაწესების გამო. თუმცა, საფრანგეთის ხელისუფლებამ უკვე განაცხადა, რომ ეს გადასახადი 2019 წლისთვის არ ამოქმედდება.
