რუსეთის პრეზიდენტი ვლადიმერ პუტინი ხვალ, სოჭში ოკუპირებული აფხაზეთის დე ფაქტო ლიდერს რაულ ხაჯიმბას შეხვდება.
როგორც კრემლის პრესსამსახური იუწყება, „მხარეები ორი ქვეყნის სოციალურ-ეკონომიკური თანამშრომლობის გაფართოების პერსპექტივებს განიხილავენ“.
„21 ნოემბერს სოჭში რუსეთის პრეზიდენტის ვლადიმერ პუტინის აფხაზეთის რესპუბლიკის პრეზიდენტთან რაულ ხაჯიმბასთან შეხვედრა გაიმართება. მოლაპარაკებების ფარგლებში დაგეგმილია ორმხრივი ურთიერთობების არსებული მდგომარეობისა და სოციალურ-ეკონომიკური თანამშრომლობის გაფართოების პერსპექტივების განხილვა“, – ნათქვამია კრემლის პრესსამსახურის განცხადებაში.