vivus ge აკეთებს განმარტებას მთავრობის მიერ გაჟღერებულ განცხადებასთან დაკავშირებით, , რომლის თანახმად ამ ორგანიზაციასთან მოლაპარაკება სესხების განულების საკითხზე წარუმატებლად დასრულდა
,,დაახლოებით ორი კვირის წინ ჩვენ მივიღეთ ფინანსთა სამინისტროსა და ეროვნული ბანკის თხოვნა, რომ გაგვეკეთებინა შეთავაზება ვადაგასული სესხების პატიება-გამოსყიდვასთან დაკავშირებით.
შესაბამისად, ფინანსთა სამინისტროს ჩვენ გავუგზავნეთ მონაცემები და პირობები ჩვენი პორტფელის შესახებ, რათა მათ მიერ მომხდარიყო სესხების შესაძლო გამოსყიდვასთან დაკავშირებით გადაწყვეტილების მიღება.
გასული კვირის დასაწყისში პორტფელის ნაწილზე ჩვენ კიდევ ერთხელ გავუგზავნეთ ფინანსთა სამინისტროს ელექტრონული ფოსტით ჩვენი წინადადება, რომელიც, ჩვენი აზრით სრულად ჯდებოდა სამინისტროს მიერ გაჟღერებულ პირობათა ჩარჩოში.
ჩვენთვის უცნობი მიზეზების გამო, აღნიშნული წინადადების მიღების შემდეგ, ფინანსთა სამინისტრო ჩვენთან კონტაქტზე აღარ გამოსულა. ვადასტურებთ, რომ დღესაც მზად ვართ ჩვენს მიერ გაჟღერებული პირობების ფარგლებში ვაწარმოოთ მოლაპარაკება აღნიშნულ თემაზე.'' ნათქვამია vivys ge – ს განმარტებაში.
დაისმის კითხვა,რატომ აღარ გავიდა ვივუს გე -სთან კონტაქტზე ფინანსთა სამინისტრო, რაზეც ერთადერთი პასუხი შეიძლება იყოს ის, რომ ხელისუფლებას არ აწყობდა ამ მოლაპარაკების წარმატებით დასრულება, რადგან სწორედ ამ ორგანიზაციაზე მოდის კლიენტების ყველაზე დიდი დავალიანება და ამდენი თანხის გაღება არ სურდა.