ასრულებს თუ არა ლუგარის ლაბორატორია გაეროს კონვენციით ნაკისრ ვალდებულებებს – ლაბორატორიის საქმიანობას 17 ქვეყნის 23 დელეგატი ეცნობა.
გარემოსა და ევროკავშირის წევრი ქვეყნების წარმომადგენლები ლაბორატორიის ხელმძღვანელებმა სწორედ იმიტომ მოიწვიეს, რომ თავად ნახონ და დარწმუნდნენ, რომ ლაბორატორიაში არანაირი არალეგალური საქმიანობა არ მიმდინარეობს, როგორც ამას მოსკოვი ამტკიცებდა. მოწვევის მიუხედავად საქართველოში არ ჩამოდის რუსული დელეგაცია.
დაავადებათა კონტროლის და საზოგადოებრივი ჯანმრთელობის ეროვნული ცენტრის გენერალური დირექტორი ამირან გამყრელიძე აცხადებს, რომ ოფიციალურმა მოსკოვმა ძალიან კარგად იცის რა საქმიანობაც მიმდინარეობს ლუგარის ლაბორატორიაში. გამყრელიძის თქმით, ლუგარის ლაბორატორიაში ბევრი რუსი სპეციალისტია ნამყოფი.
„ლუგარის ცენტრზე რამდენჯერმე იყო საინფორმაციო შეტევა, რადგან ეს პოტენციალი ბევრ ჩვენს მეზობელს არ აძლევს მოსვენებას, თუმცა შედარებით ნეგატიური სიახლე იყო ლუგარის ცენტრთან დაკავშირება ჰეპატიტის, რომელიც უბრალოდ აბსურდულია. BBC-ის ჟურნალისტური გამოძიებით მათ მიეცათ საშუალება რესპონდენტებს გასაუბრებოდნენ ზახაროვასა და გიორგაძეს, მათ კითხვა დაუსვეს თუნდაც ერთი მტკიცებულება წარმოედგინათ, რომ აქ რაიმე საფრთხის შემცველი ხდება. მათ თქვეს რომ არ გვაქვს მტკიცებულება, თუმცა ეს არ ნიშნავს, რომ მტკიცებულებები არ არსებობს ჩვენ ჩვენი ვთქვით და ახლა საქართველომ ამტკიცოს თავის სიმართლე,“-ამბობს საქართველოს ჯანდაცვის მინისტრი დავით სერგეენკო.